Bryson: Grupo di persona di douane ta welga pa cualkier cos chikito

ORANJESTAD - Un grupo di hende (Sindicato di douane SADA) ta  welga pa cualkier cos chikito, y esaki ta afecta comercio grandemente.  E Asuba abogado pa e gremio comercial Aruba Trade and Industry Association (ATIA), abogado Bryson a splica di e daño cu e welganan constante ta haci riba e miembronan di e asosacion. ATIA a uni den e caso sumario cu gobierno a entama, como partido interesa contra SADA. E abogado a mustra cu e accion aki no ta solamente afecta aeropuerto, sino tambe waf, y ta crea un ciclo di actividad cu ta afecta otro. Entre nan, e gastonan extra cu e comerciantenan tin cu paga pa nan productonan keda mas largo riba e.o. waf, prijs pa e container, coriente extra pa tene e producto riba waf frieu den container, etc etc.. Tur esaki ta consecuencia cu e comerciantenan tin cu deal cu ne, pasobra un grupito di persona ta malcontento. ' E grupo aki ta welga pa 'cada cos chikito', usando e dicho Hulandes 'elk wisje wasje'.