Cuido di adiccion na Aruba ta ofrece trato di adiccion di gaming

ORANJESTAD – Hunga riba computer te lat den anochi i neglicia contactonan social; ainda no conoce y no ta reconoce adiccion di gaming na Aruba. Prome cu fin di aña e fundacion pa cuido di adiccion FMAA ta lansa un plan di tratamento di adiccion di gaming.

E organisacion mundial di salubridad WHO for di juni ta reconoce adiccion na gaming como adiccion oficial. Na Aruba adiccion di gaming ta yega ‘nèt na superficie’, psikiatra Hendrik van Gaalen ta bisa. No tin cifra local. Van Galen ta calcula cu 2 di cada 100 mucha ta desaroya un adiccion di gaming. Aunke cu e ta kere cu ku e sifra real ta mas halto. Tambe e ta menta e influencia di e infrastructura local.

“Na un isla manera Aruba kisas no tin mucho cos di haci. Bo mester bai tur caminda cu auto mientras cu na Hulanda ta mas facil pa bo coi baiskel. Kier men e chens di keda pega na internet aki ta mas grandi ku na Hulanda, mi ta kere.”

FMAA ta mira tiki hoben cu tin solamente un adiccion di gaming. “E fenomeno no ta realmente conoci y mayornan no ta haña gaming di mas un motibo pa acudi na cuido di adiccion”, Emmeline Webb, trahado social na FMAA, ta splica. E liña entre hunga gaming fanaticamente y un adiccion na gaming ta fini. Por paga tino na cierto criterio: si un mucha retira, si tin diferencia den e ritmo di dia y nochi y si e higiena bay atras, segun Webb.

‘E adikshon na droga e ora ei ta conduci na adiccion na gaming’- Emmeline Webb, trahado social ta bisa

E ta mira especialmente hoben cu ta usa gaming pa detoxica di adiccion di droga. “E playstation por ehempel ta yuda pa suprimi e gana di usa droga. Anto e ora ei nan ta keda hunga. E adiccion di droga ta conduci na adiccion di gaming.”

Miembronan di FMSS cuminsamento di september ta participa na un conferencia na Corsou tocante adiccion di gaming. Webb: “Ora nos bolbe bek nos tin e encargo pa desaroya un tratamento di adiccion di gaming.” Lo informa comunidad tambe, e ta bisa. Asina mayornan ta haña conosemento di e sintomanan y ta mira ki ora esaki ta bay mucho leu.”

Workshop

James Sneek, direktor di telefon di mucha na Aruba, for di 2011 ta haña yamada tocante adiccion na gaming. “Mucha ta puntra: Mi ta sali scol un or y mei y mi ta bai sinta tras di mi computer y di repente cuat’or ta bati. Mi ta adicta?” Pero tin mayor preocupa tambe ta yama, e ta bisa. “Nan ta conta cu ora nan yiunan sali scol mesora nan ta bai nan camber y no ta haci nada otro cu online gaming.”

Na 2012 telefon di mucha a start e proyecto ‘proteha nos yiunan online’ caminda ta duna atencion na adiccion di gaming y uso safe di internet. Awor ta ofrece e proyecto aki como workshop pa asosiacion, scol, mayor y yiu. Sneek: “Lo ta bunita si un instancia of asosiacion pidi un workshop of charla asina cerca nos, prome ku nan mira problema.”

Di: Ret Karibense. Autor: Bobby Spier