Oduber: Tin peticion pa 300 'polis drumi' pero tin placa pa solamente 15

ORANJESTAD - Tin mas o menos 300 peticion pa 'polis drumi'/ drempel y den e presupuesto tin fondo pa 15 solamente.  Asina minister di infrastructura Otmar Oduber a bisa. Diferente miembronan den Parlamento tambe a haci peticion den nomber di comunidad pa DOW pone drempel na diferente cayanan rond Aruba segun e mandatario. Tin 1.2 miyon florin den e presupuesto di DOW cu ta flexibel. Pero pa locual ta e suma aki mester scoge entre ponemento di drempel, drecha buraco den caminda, trabounan di mantencion cu ta cay den e aña ey di nobo entre otro, " Pasobra e resto di e presupuesto ta gewoon 'vaste lasten' cu ta bin cada aña cu mester cumpli cu ne", Oduber a finalisa bisando.