Banner 'Stop Abuso' riba brug di Lagoen como solidaridad pa victima di abuso

ORANJESTAD - Diamars e grupo cu ta yama su mes Comision Accion Stop Abuso (CASA), a pega un banner 'Stop Abuso' na e brug di Lagoen. Durante un conferencia di prensa diamars, e grupo aki a splica cu  CASA cu ayudo di hopi a logra pone e banner aki "STOP ABUSO". Esaki como arte bibo pa mustra cu nos ta contra abuso y violencia Domestico. Ta e intencion pa tur hende bin y contribui na e obra aki. Nan a bisa cu por bin cu un sinta, un bela, un kaarchi, un poema. Si bo ta of conoce un victima of bo ta survivor yega Lagoen y demostra bo solidaridad cu CASA. E brug lo ta un "Memorial' pa tur (ex) victima. Ni un mas! E brug a la vez ta simbolico: Pasa e brug. Sali for di abuso. Bo no ta Bo so!