Huez a prohibi sindicato SADA pa welga por lo pronto

ORANJESTAD - Huez a prohibi sindicato di douane SADA pa sigui cu cualkier accion y of accion den futuro, pa medio di un medida di orden (ordemaatregel). E decision a cay diamars merdia como parti di e caso sumario cu gobierno di Aruba a entama contra e sindicato. E caso mes ta tuma lugar diahuebs mainta 10'or. E medida ta valido te ora cu e sentencia di e caso sumario tuma lugar. Pa cada dia of parti di dia cu SADA no cumpli cu e orden, e ta   wordo multa cu 250 mil florin pa dia of parti di e dia. 

E CASO

Gobierno a entama un caso sumario dialuna ultimo contra e sindicato, cu e intencion pa prohibi nan pa welga pa por lo menos 90 dia pa e asunto di introduccion di orario di trabou flexibel. E caso ta tuma lugar diahuebs mainta 10'or. Pero mirando cu tin accionan ta tumando lugar mientrastanto y cu ,segun gobierno, ta perhudicando e pais financieramente, a pidi huez pa un medida di orden tanten. Huez, husgando e indole di e situacion y e interes serio di gobierno, a dicidi di concedi e peticion di gobierno y a dicta e orden diamars. Esey ta nifica cu por lo pronto, SADA no por yama ningun welga of accion mas. Lesa e orden AKI.