Un ex huez a huramenta awe mainta como abogado

ORANJESTAD - Awe mainta mr Willem Jan Noordhuizen a huramenta como abogado. Den e caso aki, manera cu presidente di Hof a bisa durante su discurso, cu ta trata di un acto particular y no un huramentacion sin mas. Esaki ta pasobra durante e ultimo 18 aña, mr Noordhuizen a fungi como huez tanto na Hulanda como den Caribe, incluyendo Aruba pa e ultimo añanan. Pues e ta algo poco inusual pa un huez bira abogado (bek). 

EXPERIENCIA

Noordhuizen mes a comenta di su cambio di huez pa abogado:" Mi a cuminsa mi carera como abogado, y den mi periodo como huez na Aruba, mi tabata ripara cada bez mas con fascinante y varia, e profesion di abogacia ta. E bufete di abogado De Cuba Wever Attorneys at Law ta un bon ehempel di esaki". E socio gerente di e bufete, mr Jeannot de Cuba tambe ta satisfecho cu e cambio. "Desde e creacion di nos oficina na 2013,, nos a experencia un crecemento fuerte. Willem Jan ta un hurista excelente cu un experiencia amplio riba varios tereno. E lo no sostene nos como tal solamente riba e practica di proceso y conseho, sino lo tene su mes ocupa tambe cu entrenamento di coleganan hoben, y fungi como un oficina cientifico", de Cuba a finalisa bisando.