Landado Hulandes ta logra colecta 2.5 miyon euro pa cancer

LEEUWARDEN - E landado Maarten van der Weijden a colecta 2.5 miyon euro pa investiga cancer, cu su odisea di landamento door di Friesland. E odisea tabata pa landa e asina yama Elfstedentocht, pero e no a logra completa esaki y mester a para despues di a landa 163 km durante 55 ora largo. Van der Weijden a haya un 'cruz' special di Elfsteden for di man di prome minister Hulandes Mark Rutte. Segun Rutte, e palabra hero ta mucho chikito pa van der Weijde. "E ta un gigante", Rutte a bisa. 

PARA E EVENTO

Dialuna merdia (ora di Hulanda) e mester a para e odisea pasobra el a bira malo y riba orden di su dokter, a stop. No tabata medicamente responsabel pa e sigui. El a te hasta pega soño, y marea durante e landamento. "Mi a duna tur cos. Mi ta completamente bashi. Pero mi ta hopi contento di mira boso" el a bisa e publico grandi durante e homenahe atardi na Leeuwarden. Henter Hulanda a biba e momentonan contento. Na Aruba tambe por a nota cu hopi hende a sigui e landamento aki di e landado di largo distancia.