ORANJESTAD - E reunion entre trahadornan di Guarda Nos Costa (GNC) y minister di husticia Andin Bikker dialuna merdia a bay den bon ambiente. Asina e hefe di GNC Trudy Hassell a bisa despues di e reunion. E reunion tabata pa clarifica varios asunto cu tabata pendiente, y sigur despues di un accion di diabierna cu a trece e departamento den un luz negativo. Por bisa cu tin paz bek den e departamento y cu loke a resalta ta cu tin mas union cu nunca entre e trahadonan. Manera a bisa caba, e reunion a wordo solicita pa e trahadonan despues cu den fin di siman atrobe tabatin discusion riba e forma di traha di e departamento, basa riba e accion di diabierna ultimo na un establecimento . E accion aki a hala hopi atencion, cu tur su consecuencia cu e por tabatin tambe pa e propio trahadonan. Segun Hassell, e reunion a habri caminda pa e departamento aki y esun di IASA y imigracion por haci nan trabou manera mester ta. Hassell a sigura cu e personal ta capacita y entrena pa haci e trabou cu nan a bin ta haci. Tur trahado a haya oportunidad pa 'uit nan mes' y asina saca tur inclaridad for di caminda. Pues por deduci for di e declaracionan, cu no tin problema cu e departamento y trahadonan y cu tur hende ta para tras di e hefe y cu e minister ta contento cu e loke a sosode.
ORANJESTAD - E siman aki oficina di turismo di Aruba a anuncia e 5 ganadornan di e prome session di e progama Aruba Signature Experience pa 2024. Na aña 2021, Aruba Tourism Authority (A.T.A.) y Qredits Aruba a introduci e programa “Aruba Signature Experiences” cu e meta pa encurasha entrepreneurnan pa enfoca riba experiencia unico y inolvidabel pa nos bishitantenan.
ORANJESTAD - Dia 30 di maart ta Dia Internacional Cero Desperdicio (Zero Waste Day). E dia aki ta dedica pa eleva conscientisacion riba consumo y produccion responsabel y tambe na reduccion di desperdicio. Directie Natuur en Medio Ambiente (DNM) ta invita comunidad pa join nos den celebracion di e dia importante aki. Esaki ta e di dos biaha cu Nacionnan Uni (UN) ta observa e dia aki como cu ta na 2022 a tuma e decision pa e dia aki ta un dia observa internacionalmente. E
ORANJESTAD - Desde 2019 131 a incorpora un Conseho Hubenil den nan organisacion. E Conseho Hubenil di 131 su tarea ta pa primeramente duna conseho solicita y no solicita na e organisacion. Tambe nan ta duna conseho ariba proyectonan di 131, prome cu nan ser implementa. E Conseho Hubenil di 131 ta duna e organisacion un bista cu precision di kiko ta pasando bao di mucha y hoben y pakiko.
ORANJESTAD - Den cuadro di transparencia y informacion nos di Horacio Oduber Hospital ta comparti cu boso e cifranan pa loke ta luna di februari 2024. Como Hospital ta importante y alabes interesante pa duna comunidad di Aruba un indicacion di cuanto pashent Hospital ta atende mensualmente, cuanto operacion ta tuma luga, pero tambe cuanto baby a nace durante luna, cuanto pashent a regresa cas despues di admision y mas.