ORANJESTAD - E adicto ambulante mas conoci na Playa porta, esta 'Ski' a muri dialuna mainta patras di waf chikito. Den fin di siman e tabata den noticia caba ora cu e lo a keda alcansa pa un tiro na su pia. Testigonan ocular a splica cu ambulance lo a dune tratamento na e sitio mes pero cu e no kier a bay hospital. Prome informacion cu a drenta, ta cu a haye morto patras di waf chikito na Playa. Despues a resulta cu e tabata tira abou, den dolor y cu niun hende no tabata yude. Drumi asina, a compronde cu el a bin muri finalmente. Polis y mas autoridad a bin na e sitio pa atende cu e caso. No ta conoci si el a muri debi na e herida di pia, of otro cos. Unabez e noticia a plama, hopi a reacciona cu sorpresa y cu cuentanan di cu nan a haya les di bicicleta cerca dje. Pa hopi aña Ski tabata core su bicicleta yen di 'chuleria' riba dje, den centro di ciudad. Paz na su restonan. Potret 24ora.com
ORANJESTAD - E siman aki oficina di turismo di Aruba a anuncia e 5 ganadornan di e prome session di e progama Aruba Signature Experience pa 2024. Na aña 2021, Aruba Tourism Authority (A.T.A.) y Qredits Aruba a introduci e programa “Aruba Signature Experiences” cu e meta pa encurasha entrepreneurnan pa enfoca riba experiencia unico y inolvidabel pa nos bishitantenan.
ORANJESTAD - Dia 30 di maart ta Dia Internacional Cero Desperdicio (Zero Waste Day). E dia aki ta dedica pa eleva conscientisacion riba consumo y produccion responsabel y tambe na reduccion di desperdicio. Directie Natuur en Medio Ambiente (DNM) ta invita comunidad pa join nos den celebracion di e dia importante aki. Esaki ta e di dos biaha cu Nacionnan Uni (UN) ta observa e dia aki como cu ta na 2022 a tuma e decision pa e dia aki ta un dia observa internacionalmente. E
ORANJESTAD - Desde 2019 131 a incorpora un Conseho Hubenil den nan organisacion. E Conseho Hubenil di 131 su tarea ta pa primeramente duna conseho solicita y no solicita na e organisacion. Tambe nan ta duna conseho ariba proyectonan di 131, prome cu nan ser implementa. E Conseho Hubenil di 131 ta duna e organisacion un bista cu precision di kiko ta pasando bao di mucha y hoben y pakiko.
ORANJESTAD - Den cuadro di transparencia y informacion nos di Horacio Oduber Hospital ta comparti cu boso e cifranan pa loke ta luna di februari 2024. Como Hospital ta importante y alabes interesante pa duna comunidad di Aruba un indicacion di cuanto pashent Hospital ta atende mensualmente, cuanto operacion ta tuma luga, pero tambe cuanto baby a nace durante luna, cuanto pashent a regresa cas despues di admision y mas.