Update: E adicto ambulante mas conoci na Playa, Ski, a muri patras di waf chikito

Update: E adicto ambulante mas conoci na Playa, Ski, a muri patras di waf chikito

Posted on 08/20/2018 1:10 pm AST | Updated on 08/20/2018 6:28 pm AST

ORANJESTAD - E adicto ambulante mas conoci na Playa porta, esta 'Ski' a muri dialuna mainta patras di waf chikito. Den fin di siman e tabata den noticia caba ora cu e lo a keda alcansa pa un tiro na su pia. Testigonan ocular a splica cu ambulance lo a dune tratamento na e sitio mes pero cu e no kier a bay hospital. Prome informacion cu a drenta, ta cu a haye morto patras di waf chikito na Playa. Despues a resulta cu e tabata tira abou, den dolor y cu niun hende no tabata yude. Drumi asina, a compronde cu el a bin muri finalmente. Polis y mas autoridad a bin na e sitio pa atende cu e caso. No ta conoci si el a muri debi na e herida di pia, of otro cos. Unabez e noticia a plama, hopi a reacciona cu sorpresa y cu cuentanan di cu nan a haya les di bicicleta cerca dje. Pa hopi aña Ski tabata core su bicicleta yen di 'chuleria' riba dje, den centro di ciudad. Paz na su restonan. Potret 24ora.com

  • Zulo
  • Powered by SETAR