Personal di douane na aeropuerto a bay den accion

ORANJESTAD - Trahadonan di douane na aeropuerto a bay den accion awe mainta. Presidente di e sindicato SADA Eduard Maduro a confirma esaki y a mustra cu ta pa mustra malcontento cu leiding di douane cu kier elimina e warda di marduga. Algo cu algun aña pasa caba a keda presenta y rechasa pa e trahadonan. Segun Maduro, e ta un gepasseerd station, y cu nan no ta acepta. A mustra cu e eliminacion di e warda di marduga ta pa evita overtime, pero segun Maduro, e ta peliger pa no tin warda marduga pa control. Potret ta di archivo di nan accion na maart ultimo.