ORANJESTAD - Desde cu frontera entre Venezuela y e islanan Aruba, Boneiro cu Corsou a wordo a cera na Januari, Gobiernonan di e diferente paisnan a reuni pa jega na acuerdonan pa canalisa e entrada di productonan Venezolano na e islanan ABC. Na Aruba mes, diferente instancianan a reuni pa asina jega na un proceso pa cu jegadanan di e barquitonan pa asina cada instancia tene control segun su autoridad riba e barconan cu ta bin di Venezuela.
Despues di un reunion entre funcionarionan di Aruba y funcionarionan di Falcon cual a tuma luga na Mei. Aruba a cuminsa ricibi e prome barquitonan di fruta, berdura y pisca den cuminsamento di juni.
Recientemente a hasi e palabracionnan necesario cu Venezuela pa asina otro productonan tambe wordo exporta for di Venezuela y importa na Aruba. Na cuminsamento di augustus Ministerraad a tuma e decision pa permiti otro productonan for di Venezuela wordo importa na Aruba.
Pa medio di un comunicado di departamento di douane di Aruba, a informa pueblo di Aruba oficialmente cu Auba ta acepta otro productonan tambe cu ta wordo exporta for di Venezuela cu excepcion di gasolin, gasoil y koper.
ORANJESTAD - Den e prome kwartaal di 2024, por spera cifranan prometedor y solido pa turismo como e pilar di entrada primordial y di suma importancia pa economía di Aruba. Asina e oficina di turismo di Aruba ATA ta raporta diahuebs. A.T.A. ta pone hopi enfasis riba e modelo di “High Value-Low Impact” cu ta para pa un balans entre cuater pilar cu ta e ‘Calidad di Bida di e residente’, ‘Calidad di Experiencia di e Bishitante’, Proteccion y Preservacion di Naturalesa & Medio Ambiente, y Contribucion Economico di e Sector Turistico’.
ORANJESTAD – Diahuebs 14 di maart, Minister di Turismo y Salud Publico Sr. Dangui Oduber a ricibi un invitacion pa bishita Aruba Boutique and Art Hotel cu lo habri nan porta dia 1 di April 2024. Un boutique hotel nobo den curason di Palm Beach cu lo forma parti como miembro di e marca Best Western Signature Collection.
ORANJESTAD – Diaranson mainta 27 di maart Prome Minister Evelyn Wever-Croes hunto cu colega Minister di Finansa Xiomara Maduro a biaha pa Corsou pa reunionan importante den cuadro di e tema di ENNIA.
MIAMI – E compania hotelero Four Seasons awor tambe ta sigui e trend di e compania Ritz-Carlton cu a inicia cu nan coleccion di yate luhoso estilo crucero. E compania a anuncia cu nan tambe ta drenta den e negoshi ey, di ‘espacio di crucero luhoso ultra chikito, cu su prome yate den construccion na Italia. E prome destinacionan ta conoci y ta pa Caribe, cuminsando na 2026. E temporada Caribense lo core di januari pa maart 2026 cu parada na St Barth, Nevis, the Grenadines, Saint Lucia, Barbados, Martinique, Curacao, Aruba y Guadeloupe. Cada bapor lo tin solamente 95 suites, cu ta 50% mas espacio pa persona cu cualkier otro crucero. Cada camber lo tin bentanan gigante di vloer te plafond, hopi vanidad den e bañonan y terras priva. Asina e presidente y CEO di Four Seasons Alejandro Reyna a sigura.
ORANJESTAD – CEO di Aruba Hotel & Tourism Association Tisa LaSorte, recientemente durante e programa Noticiacla LIVE a pidi pa hende na Aruba no bay protesta contra turista na Aruba riba e desaroyo di turismo. Den e video, e ta splica e peticion mas amplio.