Awe ta un aña despues di e candela na Pasadia Briyo di Solo

ORANJESTAD - Awe ta precies un aña pasa cu Pasadia Briyo di Solo a kima e prome dia despues di vakantie grandi. E tabata un tristesa grandi pa cliente y trahado pa wak nan lugar destrui completo. E team di pasadia Briyo di Solo a pone man na obra y a logra lanta e lugar bek hunto cu ayudo di seguro y hopi persona den communidad.Por wak e portretnan di e clientenan cu ta asina contento di ta bek den nan lugar pa cuminsa un aña escolar cu yen animo.

Personanan special tambe tin derecho di desaroya nan mes y tin un lugar unda nan ta sinti nan mes bon den communidad unda por comparti cu otro. Tur e ayudo cu Pasadia Briyo di Solo a ricibi durante e anja dificil cu a pasa aden ta mustra cu e derecho aki ta wordo reconosi dor di hopi hende na Aruba.

Stichting voor Verstandelijk Gehandicapten Aruba ta cuminsa e aña escolar nobo deseando tur nos cliente/alumno, mayor y trahado di Pasadia Briyo di Solo, Centro Man na Obra, Cas Sjabururi, Pasadia Bibito Pin y Scol Dununman hopi exito pa cada un logra su meta personal.