Grupo di turista envolvi den accidente serio na Malmok

MALMOK – Un grupo di turista riba nos isla tabata envolvi den un accidente serio na Malmok unda cu un di e turistanan lo a perde parti di un pia. Alto comisario di polis Andrew Hoo a confirma cu e accidente a sosode 10 pasa di 11'or di diaranson mainta. E accidente di trafico serio diaranson mainta na Malmok tabata entre un chauffeur di un van di huur y chauffeur di un buggy UTV cu tabata parti di un tour. Esnan riba e tour, tabata turistanan di bapor crucero, pues un dia so na Aruba, mientras cu esun di e van ta un famia completo cu ta di vacacion na Aruba y hospedando den hotel. Prome informacion ta mustra cu un di e victimanan, un persona femenino lo a perde su pia. Notable ta cu tur hefe di departamento manera KPA, bombero, ambulance tabata presente na e sitio. Varios turista tabata den un tour cu buggy, ora cu e accidente a tuma lugar.