Placa extra pa muchanan cu tin necesidad, cu ta bay scol

ORANJESTAD – Famianan cu tin necesidad, lo haya asistencia financiero pa nan yiunan na scol. Asina minister di Asuntonan Social Glenbert Croes a anuncia e siman aki durante un conferencia di prensa. Ta trata di beneficionan adicional pa muchanan cu ta bay scol di mayornan cu ta ricibi asistencia social. Y den cuadro di esaki Glenbert a aproba e suma di Afl 220 adicional pa mucha te na un maximo di Afl 800 pa famia. E suma aki ta pa yuda cubri gastonan manera articulonan pa scol, uniform etc. Pero pa percura pa ningun mucha keda atras, e mandatario a aproba ademas di e suma ya menciona, un suma adicional di Afl 120 cu lo wordo paga directamente n'e scolnan despues cu e mayor(nan) entrega tur e documentonan necesario