Bikker: Intento pa Aruba haya propio registro di testament

ORANJESTAD - Si tur cos cana manera mester ta, ciudadanonan di Aruba por haya un forma pa por haya un uittreksel di testamento for di registro central, den un forma liher y digital y local. Asina minister di Husticia Andin Bikker a bisa dialuna durante un conferencia di prensa. Burocracia a pone cu e caso aki for di tempo di Status Aparte (1986) e base di e registro central a keda Corsou segun e mandatario. Esey ta nifica cu hendenan tin cu warda un pa dos aña pa haya esaki of bay te Corsou pa por cumpra e stampia rekeri, para den rij y haya e notificacion. 

E SITUACION

Hopi biaha door di cu no tin un tradicion di traha testamento, den gran parti di e ocasionan cu ta pidi un tipo di notificacion asina, ta bin resulta cu no tin testament. Pero si nan mester a warda y haci e esfuerso, djies pa haya e notificacion aki segun e mandatario. Segun Bikker, for di 2014 e tabata activo pa Aruba tin su propio registro. Tabatin hopi reclamo di ciudadanonan cu ora cu nan ser keri fayece, ta tarda masha hopi pa nan haya un uittreksel di notificacion for di Corosu. 

INNOVACION

E intencion ta pa e mandatario aplica inovacion via un nota di cambio na Parlamento pa por tin un base huridico pa bin cu e registro di testamento aki na Aruba cu ta electronico. Asina e mandatario a sigui bisa.