Ex Huis van Bewaring por bira lugar temporal pa detene ilegal

ORANJESTAD - Ex Huis van Bewaring por bira un lugar temporal pa detene ilegal, particularmente esnan poco violento. Como tal dialuna un comision di varios departamento a bishita e lugar pa wak kico tur por haci pa e restauracion aki por tuma lugar. Asina minister di Husticia Andin Bikker a bisa dialuna mainta durante un conferencia di prensa. E sitio actual di detencion di illegal, pa Guarda Nos Costa no ta apto pa personanan violento deteni. Segun Bikker, e personanan aki ta kibra e facilidad y despues por te hasta huy. A bisa cu nan lo por traha algo temporal. E mesun taskforce encarga cu trahamento di KIA nobo, tambe lo reuni cu un compania di Merca, specialisa den traha prefab den un manera reelampago.