Proyecto Aruba di Circle K Club 'Aruba den movecion' a inicia

Posted on 08/12/2018 9:25 pm AST | Updated on 08/12/2018 9:27 pm AST

ORANJESTAD - Circle K Club di Universidad di Aruba a lansa e Proyecto “Aruba Den Movecion” e siman aki, cu ta encera motiva mucha pa hunga deporte door di hiba e wega di kickball na tur scol basico na Aruba. E kickball lo wordo hunga na tur scol basico y cada scol lo saca un team ganado di eerste y tweede klas cu lo participa den un competencia nacional. Bateria Panasonic ta sponsor e scol ganado di e campeonato nacional cu un total di Fls. 1000,- na premio den forma di certificado pa ekipo di deporte.

Circle K Club di Universidad di Aruba a partner cu bateria Panasonic cu e intencion pa motiva movecion, particularmente pa muchanan di 6 pa 8 aña (eerste y tweede klas di scol basico). Cada scol lo ser acerca y a duna nan tur ekipo necesario pa por organisa un competencia di kickball entre teamnan, consistiendo di mucha di eerste y tweede klas.

Tur scol cu participa lo ricibi nan pakete comienso di e aña escolar nobo te cu dia 24 di augustus. Pa final di september cada scol lo mester organisa weganan na nan scol pa saca e team cu lo representa e scol na e weganan pa campeon di region. Ariba e weekend di 6 y 7 di october lo tin e torneo di kickball. Diasabra 6 di october lo tin e campeonnan regional y diadomingo 7 di october e scol campeon di Aruba lo wordo saca.

Pa por organisa e competencia di kickball cada scol lo ricibi bala, regla y tur ekipo necesario, cortesia di bateria Panasonic. Cada ekipo ganado di nan districto lo ricibi nan t-shirt pa competi den e campeonato nacional.

E ganado di cada scol lo participa den weganan regional y e ganado di e 4 regionnan lo competi pa campeon di Aruba. E 4 regionnan (Noord, Oranjestad, Santa Cruz y San Nicolas) cada un lo tin e cantidad identico di scol cu lo participa pa campeon. E scol di e team campeon nacional lo ricibi un certificado pa cumpra ekipo di deporte na balor di Fls. 1000,- di dos lugar lo ricibi Fls. 500,- y di tres y di cuater lugar cada un lo ricibi Fls. 250,-.

Pa esnan interesa den cumpra e bala di kickball, esaki lo ta obtenibel pa Fls. 14,- y cu cada compra lo ricibi un copia di e regla di kickball. Tambe por cumpra e bala pa Fls. 8,- si trece un paki bashi di bateria Panasonic na cualkier sucursal di Nature’s Discount.

Kickball ta un wega sumamente leuk pa hunga y ta parecido na baseball pero e bateo ta sucede cu pia door di scop e bala enbes di dal e cu bate. Kickball ta wordo hunga entre dos ekipo, consistiendo di cada un di 9 hungado y cada ekipo ta purba di score mas careda door di core e 4 basenan mas biaha cu ta posibel. E pitcher di e ekipo cu ta filia ta lora e bala ariba vloer over di home base y e kicker (esun cu ta na turno pa scop) tin cu scop e y core e base nan.

Mayoria regla ta mescos cu baseball pero algun ahustacion ta haci’e mas agradabel pa hunga. Por ehempel, tin un zona prohibi pa para aden tanten cu e kicker no scop e bala. Por tira e bala y e dal un di e coredonan si nan no ta mishiendo e base y nan ta out. No ta sisti homerun y si e bala pasa e largura di e veld e ta conta como foulball.

Ta e speransa di Circle K cu mescos cu na Aruba 'Mens Erger Je Niet' a bira un wega popular

hunga pa tur adulto den diferente bario, cu nos proyecto lo ta e chispa cu lo motiva adulto pa cuminsa competencia di kickball rond Aruba tambe y crea actividad fisico y movecion den nos comunidad. Por ta cu banconan, oficina di gobierno, accountants etc. por cuminsa challenge otro 1 pa un wega. Tur hende cu ta interesa den e reglanan, lo por tuma bishita e facebook page di “Aruba Kids Kickball Tournament” y di “the Circle K Club of the University of Aruba”, por mail nos na [email protected] of yama nos na 592-7701 of 560-5297.

Inter ta titula campeon di Italia pa di 20 biaha ganando di AC Milan
MILAN – E ekipo di futbol professional Italiano Inter a gana su di 20 titulo di campeon di Italia, despues di a gana e final contra AC Milan dialuna atardi cu score di 2-1. Denzel Dumfries, e orguyo di Aruba a drenta den 7 minuut prome cu final di e partido , pero a keda expulsa algun minuut despues cu carchi cora na final pa un bringamento cu un hungador di AC Milan Hernandez cu a provok’e. Un asunto cu tabata canando caba. Cu e victoria aki, inter por pone un di dos strea riba nan uniform den e proximo temporada. AC Milan tin uno.
Mas Deporte
Lesa Mas
Ekipo di Denzel Dumfries (Inter) ta hunga contra Milan pa e titulo di Italia awe
MILAN – E ekiponan rival Italiano AC Milan y Internazionale ta topa otro pa e titulo nacional. Interesante pa Aruba ta cu e ‘Arubiano’ Denzel Dumfries ta figura den e hungadornan pa e seleccion di Inter. E ekiponan ta rivalnan grandi di otro. Mientras cu Inter ta e faborito, 46% chens pa gana epartido, un victoria no ta sin mas. Milan lo haci tur cos pa daña e ‘fiesta’ di Inter. E hecho cu Inter a gana Milan 5-1 tempran den e temporada aki, no ta nifica nada pa e wega di awe nochi, segun comentarista italiano di futbol. E wega ta cuminsa pa 2:45pm ora di Aruba.
Mas Deporte
Lesa Mas
MLB impresiona cu catcher di Aruba pa Atlanta Braves Chadwick Tromp
ATLANTA — E pelotero professional di Aruba Chadwick Tromp ta hayando mencion tras di mencion pa su prestacion actualmente den e ekipo di Atlanta Bravez. E siman aki tabatin un otro raportahe riba su prestacion, unda cu varios punto di Tromp ta resalta. Entre nan, su abilidad pa conecta cu pitchernan di su ekipo, e determinacion pa traha duro, e disciplina y su forma di ta. Y e prestacion actual pa e temporada aki unda cu e la habri 6 wega caba como e catcher principal pa e ekipo, ta wordo considera como remarkable.
Mas Deporte
Lesa Mas
E careda di ciclista ‘12 Hours di Aruba’ ta bolbe na 2024!
ORANJESTAD - E tenshon ta subiendo mientras e edicion di 2024 di 12 Hours di Aruba ta acercando. Riba djasabra 20 di april, participantenan entusiasta di entre otro Aruba, Curaçao, Bonaire i Hulanda ta reuni na Sero Cristal pa un di e eventonan mas emocionante den e region. Cu un mescla di adrenalina, team spirit i pa un bon causa, e evento internacional aki organisa pa FX Hubada ta promete pa ta un espectáculo cu ningun hende kier perde.
Mas Deporte
Lesa Mas
Coredornan di Aruba ta cla pa e marathon di Londen pa diadomingo
LONDEN – Un grupo basta grandi di por lo menos 10 coredor di Aruba ta participa diadomingo na e marathon di London, considera como un di e marathon crucial internacional. Diabierna nan a registra nan mes oficialmente y a haya nan number y bib (e registro electronico) pa nan por participa. For di e portal deportivo 297 Sports, noticiacla a compronde cu tin por lo menos 50 mil participante diadomingo awor. Esnan di Aruba cu ta participa ta e.o. e docter di cas Joaquin van Trigt y e coredor conoci Shariska Winterdaal, Ana Mujica, Jeanette Croes, Lili Mejia, Edeline Weller, Filomena Paesch, Esther Colina, Carla Fingal y Ricky Refunjol. Potret cortesia 297 Sports.
Mas Deporte
Lesa Mas
Rafael Nadal: Mi ta considera esaki como mi ultimo aña (hungando tennis professional)
BARCELONA – E strea internacional di tennis professional Rafael Nadal a anuncia cu esaki ta su ultimo aña professional. “ Mi ta considera esaki como mi ultimo aña y mi kier disfruta di cada momento” Nadal a bisa dialuna durante un conferencia di prensa na Barcelona. E la anuncia su participacion diamars awor na e torneo ATP na Barcelona. Ta su prome participacion despues di a retira tres luna pasa di e torneo na Australia. E ganador di 22 titulo grandslam, a dicidi ultimo momento pa participa e siman aki. E tenista di 37 aña di edad mester a sacrifica varios torneo debi na su condicion fisico cu no tabata optimal. Ultimo tempo e ta sufriendo di basta lesion y a indica aña pasa caba cu esaki por ta su ultio aña. Awe e la confirma cu esaki enberdad ta su ultimo aña hungando tennis professional.
Mas Deporte
Lesa Mas