Oduber: Piscadornan lo haya tur participacion den Parke Marino

Oduber: Piscadornan lo haya tur participacion den Parke Marino

Posted on 08/9/2018 5:54 pm AST | Updated on 08/9/2018 5:55 pm AST

ORANJESTAD - Piscadornan lo haya tur participacion den Parke Marino manera  palabra den reunion. Asina minister di medio ambiente Otmar Oduber a declara diahuebs.  Oduber a anuncia cu ta trahando riba Parke Marino. Pa mas cu 30 aña ta trahando riba e proyecto aki y e gobierno aki a tuma un decision riba proteccion di Medio Ambiente segun e mandatario. Despues di un reunion recientemente cu miembronan di Centro di Pesca Hadicurari a dirigi un carta pa nan fecha 24 di juli 2018 unda ta reconfirma kico ta sosodiendo cu e proyecto y tambe locual a wordo palabra den reunion. E prome fase awor ta e parti legislativo esta e ‘raamwerk’ pa loke ta trata Parke Marino cu ta algo sumamente positivo y bunita cu ta pone Aruba riba panorama internacional. E proteccion ta riba flora y fauna y special bida marino. Segun Minister Oduber, esaki ta un LB ham, (Landsbesluit, houdende algemene maatregelen) cu ta un parti di un Landverordening debi cu e tin un bachi legal caba. Minister Oduber kier trece bon cla cu ainda no a tuma ningun decision riba prohibicion pasobra no a yega na e fase ey ainda. Loke ta tumando luga, ta cu e marco legal  ta wordo poni riba papel unda ta bay cuminsa cu e ronda di consulta cu tur usuario di e parti marino. Ta papia aki di piscado, buceado, personanan cu ta haci uzo di boto sea pa placer of negoshi, fundacionnan manera Turtugaruba, instancianan cu ta cuida parhanan etc. Segun Minister Oduber, lo bay reuni cu nan pa e ora bay fiha e plan di maneho pa Parke Marino.

E conseho mester haya ainda for di Raad van Advies y na September ora haya e consehonan ta bay sinta cu tur grupo. Segun Minister Oduber, e experticio pa locual ta nos bida marino e.o e piscadornan tin. Pesey ta bay reuni cu nan y despues di a papia cu nan y yega na acuerdo cu nan, e ora ta hancra e reglanan pa e Parke Marino. Cu e decision aki mesora ta informa comunidad den su totalidad.  Intencion di un Parke Marino ta, proteha e flora y fauna y e bida marino pa futuro. E piscadornan por ta sigur cu nan ta bay haya nan luga manera a palabra den e ultimo reunion cu a tuma luga dia 23 di juli y manera registra den carta di dia 24 di juli dirig na sr. Alex Farro. 

E proceso aki ta contrario na e ley cu ex Ministernan a pusha pa prohibi piscamento di cierto pisca. Pero e gobierno aki si ta bay busca consulta cerca e piscadornan segun Minister Otmar Oduber. Durante conferencia di prensa di diahuebs, e mandatario a duna tur miembro di prensa un copia di e carta cu el a manda pa e piscadornan.

 

 

  • Total di 680 hende a vota na Aruba pa eleccion pa parlamento Europeo

    Total di 680 hende a vota na Aruba pa eleccion pa parlamento Europeo

    ORANJESTAD – Un total di 680 persona na Aruba a deposita nan voto pa eleccion di Parlamento Europeo, ora cu e buzon a cera oficialmente 3’or ora di Aruba. Asina e director di VNO na Aruba Gijs Baars a confirma pa NoticiaCla. VNO ta e oficina di representacion di gobierno Hulandes na Aruba. Mientras cu e proceso di votamento tabata habri varios siman caba, esaki a culmina diahuebs 3’or ora di Aruba, cu ta cuadra cu e ora na Hulanda (9’or pm) ora cu tur urna a cera. Na Aruba, e dos partidonan politico mas grandi AVP y MEP a sostene nan respectivo candidato y a hasta duna nan conseho di voto pa un candidato particular. Pa AVP esey tabata e number 1 di partido CDA Esther de Lange, mientras cu pa MEP esaki tabata e candidato # 3 di D66, Samira Rafaela. Mientras cu de Lange no a bin Aruba, Rafaela si a pasa tur e islanan di Caribe Hulandes pa asina wak si e por convence e votadornan registra pa vota pe. E intencion ta pa awe tardi pa 6’or e resultadonan di Aruba ta conoci, incluyendo e resultado individual. Pero no ta te diadomingo awor cu e resultado official total lo bira conoci, pa duna tur pais y departamento cu a vota, inclui nan votonan y nan wordo conta. 

  • Arends: Partido AVP lo no vota pro e ley nobo di LAFT

    Arends: Partido AVP lo no vota pro e ley nobo di LAFT

    ORANJESTAD – Fraccion di AVP lo no vota pro e concepto di ley LAFT nobo, ni cu e amienda cu ta wordo presenta pa fraccion di MEP dialuna awor. Nan no a wak e amienda ainda, pero asina mes Arends ta bisa cu e partido lo no vota pe. E intencion ta pa trata e ley dialuna, pero te cu awe ainda esaki no a wordo yama ainda segun informacion cu NoticiaCla a ricibi awe mainta. Pero den e programa NoticiaCla LIVE cu moderador Tito Laclé, Richard Arends a bisa cu e fraccion berde lo no vota pro. Nan ta haye e.o. superfluho pasobra e supervision tabata supone di caba na 2018. Segun Arends, e ley ta contene solamente 10% di e loke a wordo palabra den e protocol. Entre otro, tabatin un lista di regla di presupuesto, cu no ta hinka den e ley aki. A palabra cu mester bin un meerjaren begroting, cu no ta aden, y e parti di meevallers (entrada incidental) mester ta pa paga e deficit. E ley segun Arends, (y fraccion di AVP)  no ta conforme e boluntad di parlamento. Segun Arends, e mocion di AVP pa regla tur esaki, a keda rechasa pa Parlamento. Algo cu partido MEP a bisa cu no ta berdad pasobra e mocion no tabata necesario pasobra ya MEP a regla esaki. Otro punto cu Arends ta mustra ta cu e separacion di entrada y gasto tampoco no ta den e ley. Pues basicamente segun Arends, compara cu e protocol, e ley aki ta hopi mas invasivo cu e protocol firma algun tempo atras. Por wak e programa completo AKI. 

  • Tjon: E siman aki Parlamento lo pidi ARA pa investiga FLPD

    Tjon: E siman aki Parlamento lo pidi ARA pa investiga FLPD

    ORANJESTAD – Parlamento di Aruba lo manda un carta e siman aki pa Algemene Rekenkamer (ARA), pa investiga Fundacion Lotto pa Deporte (FLPD). Asina e lider di fraccion di MEP Rocco Tjon a confirma pa NoticiaCla diamars mainta. Segun Tjon, manera ta conoci, recientemente ARA mes a manda un carta pa Parlamento den cual nan a confirma cu nan tin un base legal pa haci un investigacion den FLPD.

  • Minister no ta di acuerdo cu veredicto di Jerry Staring

    Minister no ta di acuerdo cu veredicto di Jerry Staring

    ORANJESTAD – “ Obviamente nos no a spera un decision asina y mi no ta di acuerdo cu esaki tampoco”. Asina minister encarga cu salud, Dangui Oduber a bisa como prome reaccion na NoticiaCla riba e sentencia di Jerry Staring, e director di salud cu a gana su caso awe mainta. “Nos a pidi conseho na DRH y a sigui diferente pasonan conforme e consehonan cu nos a ricibi” e mandatario a sigui bisa . E mandatario ta bisa tambe cu e situacion na DVG tempo di Staring tawata hopi tenso. “ For di investigacionan a resulta cu e no ta apto pa e funcion y tambe cu e trahadornan no ta desea pa e ta na cabez di DVG” Oduber a sigui bisa. “Ta di suma importancia pa Aruba pa DVG funciona bon. Nos ta haña cu corte no a tene suficiente consideracion cu e importancia pa cu DVG funciona bon” e mandatario a finalisa bisando.

  • Minister no ta di acuerdo cu a usa militarnan pa asisti cu un control

    Minister no ta di acuerdo cu a usa militarnan pa asisti cu un control

    ORANJESTAD - Minister di husticia Andin Bikker no ta wak e motibo dicon Ministerio Publico a acudi na asistencia militar den e forma haci den e caso recien na un supermercado na Dakota. Asina e mandatario a reacciona riba e keho di sindicato di polis SPA, cu a critica e hecho cu ministerio publico a autorisa militarnan di MZK pa yuda cu e control, anto arma. NoticiaCla a compronde sinembargo cu e control tabata completamente dentro di margen di ley, segun su fuentenan. 

  • Tjon: Cu un amienda, ley di LAFT lo keda coregi segun constitucion

    Tjon: Cu un amienda, ley di LAFT lo keda coregi segun constitucion

    ORANJESTAD – E intencion ta pa Parlamento di Aruba (lesa fraccion di MEP y POR) haci e cambionan necesario na e concepto di ley LAFT, pa asina e bira un ley cu ta conforme constitucion. Algo cu awor sigur e no ta. Asina lider di fraccion di MEP Rocco Tjon a bisa den e programa NoticiaCla LIVE diahuebs anochi. Riba e pregunta di e moderador Tito Laclé, si e fraccionan respectivo lo bay vota contra e ley actual dia 27 di mei proximo, el a bisa cu esey lo no ta necesario, pasobra nan lo entrega un amienda cu e cambionan necesario, y cu e amienda, e ley lo bira uno cu nan por biba cu ne y ta cumpli cu constitucion. Algo cu awor pues no ta e caso. 

  • casino crystal.high rollers
  • Powered by SETAR