Incumplimento cu impuesto di vehiculo di motor ta halto

ORANJESTAD – Segun director di Departamento di impuesto, e incumplimento cu impuesto di vehiculo di motor ta halto. Tin un total di 12.956 (18%) di plachi di number A cu te cu 5 di juli 2018, no a paga nan number di auto (impuesto) ainda. Asina e director. E cifranan mas recien (di fin di luna di juli ta den revision y asina cu esaki ta cla, lo publica esaki tambe. Fin di juli tabata e deadline pa tur hende paga nan number. Inicialmente esaki tabata comienzo di juli, pero gobierno a aplaza e fecha.

OTRO NUMBERNAN

Fuera di e plachi A, tin tambe un serie di otro number cu tambe no tin cumplimento. Entre nan tin e plachi pa truck di diesel cu ta 184 (16%), motociclistanan cu ta identifica cu e plachi MFA cu ta 464 (49%), e grupo di taxista cu ta 34 (6%), y finalmente esnan di car rental cu ta e autonan cu plachi V cu ta 695 (28%). Gomez a subraya cu e cifranan aki ta di dia 5 di juli ultimo, pues por tin cambio den esaki ora cu publica e version actualiza.