SNAF a tene evento di wak strea: Mars Edition

ORANJESTAD - Diasabra ultimo a tuma lugar e grandioso evento official di Space and Nature Aruba Foundation (SNAF) como fundacion official. E actividad aki a tuma lugar dilanti Visitor’s Center di Parke National Arikok.

E evento a wordo grandemente bishita caminda grandi y chikito a goza di e oportunidad pa wak planeta Mars, Jupiter y Saturno door di diferente telescope. E condicion di tempo a coopera y a duna publico chens pa goza di un anochi ameno bao di e shelo bunita yena cu strea.

SNAF ta gradici su publico pa e acogida y tambe e aporte grandi. Nos ta probecha gradici nos sponsors cu a yuda nos haci e anochi aki aun mas exitoso. Por ultimo nos kier a gradici Parke National Arikok pa nan disponibilidad y uso di e area. Corda like y follow nos Facebook page pa mas informacion di nos eventonan. Keda pendiente pa nos siguiente actividad. Potret cortesia di: ABNEWSINFO y Francisco Croes miembro di SNAF