DOW: Ceramento di caminda di Palm Beach (dilanti Citgo)

Posted on 8/3/2018, 5:06 PM AST | Updated on 8/3/2018, 5:07 PM AST

ORANJESTAD - Departamento di Obra Publico ta informa pueblo di Aruba en general y specialmente nos automobilistanan cu ta haci uzo di e caminda di Palm Beach cu dialuna 6 di augustus 2018 for di 9’or di mainta te 1’or di atardi, e caminda di Palm Beach (dilanti Citgo) lo ta cera pa motibo cu departamento di Riolering lo mester haci mantencion.

 Desviacion di caminda ta:

Trafico saliendo for di luz di trafico Palm Beach rumbo luz di trafico Noord ta ser desvia altura di Palm Beach # 25. Trafico saliendo di luz di trafico Noord bayendo luz di trafico Palm Beach ta sigui su rumbo normal.

En conexion cu e trabounan menciona Departamento di Obra Publico ta haci un peticion na tur automobilista pa no haci uzo di e camindan menciona y ta pidi pa tene cuenta cu e inconveniencia cu lo por surgi pa cual nos ta pidi nos disculpa.