Grupo di voluntario a sigui cu campaña pa elimina lionfish na Aruba

ORANJESTAD – Desde cu algun aña pasa a cuminsa un campaña pa deshaci di lionfish na Aruba, tin organizacionnan cu a y ta organiza eventonan pa sigui cu e proceso aki. Tin un organisacion cu ta hopi activo riba e tereno aki y e siman aki a anuncia un conteo nobo pa loke ta e eliminacion di e tipo di pisca aki. A raporta cu for di 20 di juli di e aña aki, e cantidad pa e aña aki ta 951 lionfish cu a wordo elimina.

PERSPECTIVA

Pa hinca e cifra den un perspectiva miho pa compronde, e organisacion ALFI a mustra cu 951 lionfish menos, ta nifica cu 4.755.000 pisca di rif a keda libera y scapa. Un lionfish so ta come 5000 ‘reef fish’, crab y lobster pa aña. Ta trata di un grupo di 13 voluntario cu ta haci e trabou aki. Ta sali di e punto di salida cu un lionfish tin 10 aña di bida, y si haci esaki pa 10 aña largo, e suma menciona ta bira relevante.