Huez ta dicta fin di luna si Schotte y partner mester paga 2 miyon bek

WILLEMSTAD – Huez lo mester dicidi si ex Prome Minister di Corsou Gerrit Schotte y su pareha Cicely van der Dijs tin cu paga 2 miyon florin bek of no, y lo informa di esaki dia 30 di augustus. Asina huez a bisa na final di dia 2 di tratamento di e caso. Mientras cu fiscal a pidi pa tur dos sospechoso paga e placa bek mesora despues di sentencia, Schotte y vd Dijs a pidi (via nan defensa) pa wanta e caso te ora cu e caso original keda trata den Casacion y tambe pa huez rechasa e demandanan. Huez a bisa cu e tin mester di tempo y ta dicta tur cos fin di e luna aki.

FISCAL

Manera NoticiaCla a raporta caba, fiscal un dia anterior a presenta su rekisitorio unda cu a informa cu e dos sospechosonan a enrikese nan mes cu fondonan cu no ta pertenece na nan, y cu esaki mester wordo paga bek. E dos sospechosonan a presenta defensa awe den corte, y purba convence huez de lo contrario. Basicamente cu no ta manera cu fiscal ta indica, sino cu tabatin un motibo legal con tur cos a anda. Potret ta di e defensa di Schotte y vd Dijs.