DOW ricibiendo hopi keho riba construccion rotonde Tanki Leendert

ORANJESTAD – Habitantenan di Tanki Leendert ta kehando riba e rotonde di Tanki Leendert cu ta den construccion. Asina Departamento di Obra Publico (DOW) a confirma diaranson riba nan pagina di Facebook. Mes momento nan ta splica e situacion. Entre nan, kico ta causando e tardanza y cu no por djis yega y traha un rotonde, sin tene cuenta cu p.e companianan di utilidad cu tin trabou eynan cu DOW no tin control ariba.

SPLICACION

DOW a splica cu ora ta trata di construccion di un rotonde, utilidadnan manera Setar N.V., Aruba y WEB Aruba N.V. tambe ta envolvi den e construccion. Cada compania tin nan parti di trabou cu nan mester eherce y tur esey ta bay abase di un planning. “ Tur compania no por traha hunto, es decir cu ora un compania caba e otro por sigui”. Como tal DOW a pidi tur automobilista y e habitantenan den e area, pa tene comprension, pasobra segun DOW ta purbando pa caba mas pronto cu ta possible. s “Alabe nos kier a pidi pa tene cuenta cu e desviacionnan y pa core poco poco ora bo ta mira un di e baricadannan oranje” e mensahe a finalisa bisando.