Wever a desmenti peticion di WEB pa aumenta awa y coriente

ORANJESTAD - Prome minister Evelyn Wever a desmenti cu WEB Aruba NV a haci peticion pa aumento di tarifa y coriente. " Ningun momento gobierno a wordo presenta cu un peticion pa aumento di awa y coriente" Wever a sigura prensa diahuebs mainta. E raportahe den matutino Diario awe mainta segun Wever, no ta cuadra. A sigura tambe cu e gastonan cu lo bin pa cu e situacion di huma, no ta bin pa WEB so sino reparti entre e tres partnernan. Pues no ta bay ta cobrando pueblo pa esaki. Loke si a sosode segun Wever ta cu director di e compania Luis Oduber a informa Wever awe mainta cu WEB a manda un email pa Utilities informando riba un aumento di crudo cu lo bay tin mundialmente. A mande pa directie y cu ya awemainta e tabata den corant. Pues ta pensa cu e email ey lo a cay den man di prensa y cu o atende cu esey tambe riba un otro forma. Gobierno a bisa WEB, y otro companianan di utilidad pa baha gasto. Mester bisa cu vocero di WEB Asja Dongen tambe a desmenti e informacion awe mainta na NoticiaCla.