Temporada di horcan 2018 menos activo cu a pronostica prome

MIAMI - E temporada di horcan 2018 ta premira di bira uno hopi menos activo cu anteriormente pronostica. Asina e expertonan di Colorado State University a informa. Fuera di e tormenta y horcannan cu a presenta caba, lo tin 11 tormenta cu nomber, 4 horcan y solamente 1 di categoria 3 of mas halto. Esaki ta un reduccion significante di e ultimo pronostico, cu a haci mencion di 14 tormenta cu nomber, 6 horcan y 2 horcan peligroso. Y tin motibo pa e cambio aki. Entre nan, temperatura mas di awa mas friew cu normal.  Un di e expertonan di tur tempo, Dr. Phil Klotzbach, a enfatisa cu mientras cu e fenomeno di un El Niño (fenomeno di tempo cu ta afecta e region pacifico equatorial cu awa mas cayente cu normal) swak por desaroya, e motibo principal pa e cambio drastico di pronostico, ta e awa tropical Atlantico mas friew, envez di e Pacifico equatorial mas calenta.