Colegio San Nicolas ta entrega buki

SAN NICOLAS - Aunke temporada di vacacion escolar no a finaliza ainda, Colegio San Nicolas ta den full swing cu su preparacionnan pa e aña escolar 2017-2018. Boekenfonds di e scol tin pakete di buki di scol prepara pa e alumnonan bin busca. Pa haci esaki na un manera mas ordena posibel, a parti e klasnan riba diferente fecha riba cua e alumnonan por pasa scol y busca nan bukinan. Aki ta sigui un schema pa pasa busca buki.

Fecha                  Klas

04 aug.               CB1, CB2, H3 y V3

07 aug.               H5-1 t/c H5-3

08 aug.               H5-4 t/c H5-6

10 aug.               H4

11 aug.               HL2

15 aug.               HL1

Den caso cu un alumno no por asisti na scol pa busca su bukinan riba e fecha indica, sea asina bon di notifica scol esaki (acompaña pa e hustificacion) via colegio-adm@hotmail.com of csnaruba@gmail.com. Si pa motibonan priva no por cumpli cu e pagonan conoci como schoolgeld y boekengeld, esaki no ta motibo pa keda sin busca e bukinan. Sea asina bon di tuma contacto prome cu sra. Thais Kock di boekenfonds via tel. 5846800. Un recordatorio na tur alumno di Colegio San Nicolas pa corda pasa EMCO pa bestel y recoge bo uniformnan. Prome dia di scol ta diahuebs 17 di augustus 2017 y cada alumno mester ta presente den uniform di scol.