Bishita pa Aruba ta prome riba ‘bucket list’ di Mericano cu a gana loteria

RHODE ISLAND – Un Mericano di Cranston, Rhode Island lo uza parti di su ganancia di loteria, cuminsa completa su ‘bucket list’ cu ta un biahe pa Aruba. E homber tabatin e ticket warda den su auto un aña largo, prome cu el a dicidi pa wak si el a gana algo. Mas y mas hende ta usando Aruba como un destinacion di exploracion y como un ‘meta’ pa nan ‘bucket list’. Un ‘bucket list’ ta un lista di deseo cu un persona tin cu e kier cumpli cu ne prome cu e fayece. E palabra ‘bucket’ ta deriva di e dicho ‘kick the bucket’ cu ta nifica ‘muri’. Y den e caso aki, Aruba tabata e meta # 1 riba e lista di e Mericano cu suerte.

E PREMIO

E homber a gana un loteria di 75.000 dollar Mericano, di un wega di baseball cu e la cumpra na un supermercado. E vocero di e compania di loteria, Jocelyn Canario (Rhode Island Lottery) a bisa cu e homber tabatin e ticket den su auto pa un aña largo, y a dicidi diripiente pa hibe pa wak si e la gana ‘algo’.