Tropical Bottling Co. a celebra 208 aña di Independencia di Colombia

Posted on 08/1/2018 1:13 pm AST | Updated on 08/1/2018 1:14 pm AST

ORANJESTAD - Diadomingo Colombianonan na Aruba a celebra 208 aña di Independencia di Colombia na Balashi Beer Garden. Tropical Bottling Co. y Asociacion Amigonan Colombiano (ASOCOL) a yega hunto organisando e conmemoracion di Colombia, unda tur hende a pasa un dia agradabel.

Comunidad Colombiano como otronan na Aruba a yega Balashi Beer Garden disfrutando di e musica varia. E muchanan a disfruta di e actividadnan cu tabatin, unda nan a core y hunga mientras cu e adultonan tabata gosa y baila e canticanan di Sensacion Vallenata, Edgar y su Tambora, Grupo Pimienta, Miniteca del Arabe Amir, Jairo Silva. Tambe tur hende a disfruta di e dushi cumindanan cu tabatin y sin lubida di e bar bon surti pa Tropical Bottling Co..

  • Powered by SETAR