Besaril: Cla pa ricibi 170 ‘Bursalen’ for di Aruba diadomingo awor

DEN HAAG/ORANJESTAD – Un total di 170 studiante (‘Bursalen’) di Aruba ta biaha diasabra awor pa Hulanda pa cuminsa nan estudio avansa. Ainda ta yama nan ‘bursalen’ aunke cu no por referi na un beurs, sino un studielening. Minister Plenipotenciario di Aruba na Hulanda Guilfred Besaril a confirma pa NoticiaCla cu tur cos na Arubahuis ta cla pa ricibi nan diadomingo . Tur cos di e studiantenan ta regla cu excepcion di alohamento, unda cu Besaril a confirma cu 20% di studiantenan no a keda cla ainda cu esaki, pero cu ta trahando pa remedia e asunto.

UN SOLO GRUPO

Segun Besaril, nan ta yega riba un solo buelo contrario na ultimo añanan unda cu mester a dividi e gruponan den dos pa tres buelo . E mandatario a mustra cu a traha diligentemente pa evita loke a pasa den pasado. E mandatario a splica cu e cuestion di ricibi cada grupo separa, unda cu cada bez tin cu bay Schiphol pa djis hiba un grupo chikito te na Maastricht p.e Y ta resulta cu tin un grupo cu tin cu bay Groningen, mientras ainda tin uno cu tin cu bay Maastricht, cu pa loke ta distancia, ta punta punta na Hulanda pues distancia basta largo. “Esaki a causa incomodidad pa esnan cu mester a atende cu e parti logistico di e yegada den e añanan anterior”. A traha pa evita e tipo di casonan aki y pa e no ta un molester tampoco pa e studiantenan cu ya tin un biahe di 9 pa 10 ora tras di lomba.