Schotte y vd Dijs den Corte diaranson pa paga placa laba bek

WILLEMSTAD – Diaranson mainta 9’or Parlamentario Gerrit Schotte y su pareha Cidely vd Dijs tin cu presenta dilanti mesa berde atrobe na Corsou. E biaha aki a pa e caso ‘ Ontnemingsvordering Babel’ unda cu ministerio publico kier logra ‘recobra’ tur placa cu Schotte y vd Dijs a keda acusa y sentencia di a laba. Por corda cu den e caso Babel, corte a sentencia tanto Schotte como vd Dijs, unda cu a keda proba den corte cu nan a laba un suma di placa. Mientras cu e caso ta den Casacion, OM kier purba mientrastanto pa confisca e suma cu ambos lo a laba. Ta trata di un suma di 1.8 miyon florin pa Schotte y 205.000 pa vd Dijs cu ta e sumanan respectivo cu nan a keda condena di a laba. Si OM logra nan meta, un huez lo ordena e dos personanan pa paga esaki bek na pais Corsou. “El a laba placa y wor OM ta bay recobra tur e placa laba”, vocero di OM Norman Serphos a confirma pa NoticiaCla.