Dokter di cas Joost Samuels ta drenta servicio directo di AZV

ORANJESTAD - Entrante 8 di augustus 2018 dokter di cas Joost Samuels ta bay traha directamente den servicio di AZV den e funcion di ‘chief medical officer’. AZV ta desea su persona hopi exito den su funcion nobo. Asina AZV a informa diamars pa medio di un comunicado. Pa continuidad di e cuido medico sigui, AZV a percura pa un reemplazo temporal y definitivo.

REEMPLAZO TEMPORAL

Entrante 6 di augustus 2018 te cu fin di september 2018 dokter di cas Melanie Ho-Kang-You lo atende e pashentnan di dokter di cas Joost Samuels na su practica di custumber, esta Constantijn Huygenstraat 5a.

REEMPLAZO DEFINITIVO

Entrante 1 di oktober 2018 dokter di cas Marcel Ho-Kang-You lo tuma e practica over. Tur pashent lo wordo traspasa automaticamente pa su persona y lo ricibi un carta di AZV tocante e traspaso.

PASHENT CU NO TA DI ACUERDO CU TRASPASO AUTOMATICO

Solamente e pashentnan cu no ta di acuerdo cu e traspaso automatico aki, ta haya e oportunidad pa haci cambio di dokter di cas segun e capacidad cu tin e momento ey. Pa cualkier pregunta por comunica cu AZV na 5279900 / 5840030 / 5279991 of email na info@uoazv.aw