Mas Rubiano ta scohe pa e plato vegano

ORANJESTAD – Unda cu antes veganismo tabata asocia cu hippies , Aruba awor ta scogiendo mas y mas pa un dieta vegetal. Asina Bobby Spiers ta skibi pa partner di NoticiaCla, Caribisch Netwerk. No obstante e falta di cifra concreto, ta bisto cu mas y mas Arubiano ta distancia nan mes di productonan di bestia. E pagina di Facebook ‘VeganAruba’ tin casi 3000 seguidor y den dos aña di tempo tin mas di 40 restaurant cu ta conoci como ‘vegan friendly’. Diez café ta ofrece latté’s y cappuccino’s cu lechi di amandel of soya.

TREND

E dieta vegano, e hecho di no come productonan manera carni, pisca, webo y honing, ta un trend mundial di 2018. Algo cu Aruba lo por capitalisa ariba como isla turistico segun Spier.

E restaurant Cuba’s Cooking a cuminsa 5 luna pasa cu un menu vegano chikito. “E forma aki di come ta un trend, nos ta haya hopi pedido” e gerente asistente Brenda Daal ta bisa. Y cerca e restaurant Alfresco - cu 7 luna pasa a habri su porta -, un 65% di e clientela ta vegano. “nos ta haya hopi hende cu ta purba e platonan aki pasobra nan ta saludable” gerente Alejandra Maya a splica.

OPCION

E Mericano Meredith Marin, cu a bin Aruba na 2016 for di New York, ta e cara tras di e pagina di Facebook VeganAruba y e revolucion vegano na Aruba. “Ora cu mi a in Aruba, tabata casi imposibel mes pa come cuminda vegetariano den restaurant. Mi no por pensa un lugar cu tabatin un opcion normal vegano”.

El a cansa cu tabata blo ofrece pasta y berdura. Marin: “October ultimo mi a haya e posibilidad pa conta mi storia cerca Aruba Gastronomic Association. Mi tabata sinta cu 20 gerente y chef y a mustra nan potret di e cuminda cu mi tabata haya di nan, y loke mi mes tabata cushina”. Pa su sorpresa, e chefnan a pidie pa ayudo.

Desde poco tempo pasa Marin ta duna les di cushina y a desaroya platonan vegano y menu pa restaurant y hotels riba e isla. “ Mi ta puntra semper pa e plato mas bendi, y ta purba converti nan den un plato vegano. Asina e ta trahando awor riba un higra di ganzo, pa un restaurant Belgo. Den su mesun cushina e ta test recetanan, despues e mes ta siña e chefnan con pa prepara esaki.

LIDER

E mericano a caba bolbe di un biahe na New York. El a spera cu e veganismo lo a crece di tal forma cu riba cada skina por a haya esaki. “Pero esey no tabata e caso. Esey a pone mi pensa. Porta Aruba ta hopi delanta. Mi ta kere di berdad cu Aruba por bira un lider mundial riba e movemento vegano”.

Autor: Bobby Spier. Potret: Bobby Spier