Tchong: AZV ta corda studiantenan cu e zorgpas no ta valido den exterior

ORANJESTAD - E regla general ta ora bo bay biba den exterior of studia mester schrijf uit di Censo prome y pasa AZV pa entrega Zorgpas. Segun vocero di AZV Solange Tchong na NoticiaCla, e aña aki AZV tin un colaboracion mas cerca cu Departamento di Enseñansa di Aruba unda a regla cu pa studiantenan cu ta biaha dia 4 y 5 di augustus pa Hulanda cu e Dept mes ta manda e lista di nomber di studiante pa AZV cera nan polisa. Na mes momento Departamento di Enseñansa ta manda e studiante e flyer di AZV cu ta e prueba di seguro azv durante e dianan cu a schrijf uit pero ainda no a subi avion. Pues a facilita e sistema.

ENTREGA ZORGPAS

Segun Tchong, awor e studiante of su mayornan por pasa 'anytime' entrega e ZorgPas na AZV sin cu necesariamente mester pasa riba un dia specifico. Pa tur otro studiante cu no ta bay cu un Arubalening of ta bay cu Arubalening pero un otro pais y otro fecha ta conta cu ta pasa AZV (igual manera un hende cu ta bay biba den exterior):

1. Uitschrijfbewijs Censo.

2. Entrega Zorgpas.

3. Trece ticket di biahe.

4. Ta ricibi carta di AZV splicando cu bo ta sigura y cu den caso cu mester cuido medico net prome cu subi avion por uza e carta aki.

STUDIANTE CU VACANTIE NA ARUBA

Un pregunta cu ta surgi tambe ta cu ora cu e studiante bin Aruba cada bez cu vacantie, con e ta cubri medicamente. “Ora e studiante ta bolbe Aruba cu vakantie, ta keda e responsabilidad di e studiante pa cumpra un seguro di biahe ora e ta biaha bin Aruba pa cubri gasto” Tchong a finalisa bisando.