Atrobe personanan a purba falsifica zorgpas di AZV

ORANJESTAD – Un biaha mas hende a purba falsifica e zorgpas (carchi) di AZV na Aruba pa probecho personal. Vocero di AZV Solange Tchonga confirma esaki pa NoticiaCla diamars mainta. “Como AZV nos a tuma nota via prensa di e recien caso di 2 zorgpas falsifica cu a tuma luga door di un persona atento cu a meld esaki di biaha na cuerpo policial” Tchong a bisa. Sin embargo segun e vocero, cuerpo policial mes lo actua den esaki paso nunca mag fraudeer cu documento oficial. A splica cu e zorgpas mes no ta facil pa falsifica ya cu e tin algun caracteristicanan di seguridad den dje.

NO TA PROME BIAHA

A mustra tambe cu no ta prome biaha cu esaki ta sosode. “Te awor AZV mes a haya su mes aña pasa ta haci denuncia na cuerpo policial (den september 2017) tocante falisificacion. Esey tabata 9 zorgpas cu hende a purba falsifica y no a logra”. Riba e pregunta di NoticiaCla si ta facil pa falsifica esaki y cu si tin cu adapta e carchi, a mustra cu pa AZV no tin e necesidad di haci cambio na e caarchi ya cu pa e cuido medico e tin e extra control riba webportaal unda dunadornan di cuido por controla 'real time' si e persona ta sigura of no (hasta e potret por wak).

MEDIO LEGAL

A mustra cu debi cu debi na e scrutinacion pa haya un zorgpas di AZV, hopi instancia ta use e ora como un medio legal pa identificacion. Y aki AZV den e caso di nan denuncia na 2017 y esun 2 cu a tuma nota via prensa ta hende cu a 'maluza' e meta di e zorgpas' esta presenta esaki como sifuera ta un ID card valido pa haya trabou. “ Esey niun rato no ta e intencion di e zorgpas aunke AZV sa cu hopi instancia ta haci uzo di e Zorgpas pa motibo di nos control constante y riguroso riba esaki.

PROME BIAHA 2017

Pa nos den 2017 tabata 1e biaha y e procedura ta di biaha pa haci denuncia na cuerpo policial pa nan por haci investigacion” Tchong a sigui bisa. “Nos mes como AZV a determina e momento ey si cu ta trata di hende cu semper ta purba”. Pues con nan a haci'e? Azv ta opina cu semper tin hende hopi creativo cu lo purba semper haci malo. “Pesey mes nos di AZV ta keda monitoria esaki constante y desde 2010 cu a introduci e ZorgPas cu e logo nobo (logo blauw berde) por bisa no tin problema pero ta keda monitoria esaki cerca”. Y finalmente e vocero a bisa cu semper por meld cerca nan ora tin un duda di un zorgpas. “Nos ta ekipa pa por controla y detecta si un caarchi ta falso” Tchong a bisa finalmente.