Hilton Hotel Aruba a tene siman di aprecio pa nan trahadonan

PALM BEACH - Hilton Aruba Caribbean Resort & Casino a mustra e miembronan di ekipo con hopi nan ta aprecia nan, door di celebra siete dia di aprecio cu eventonan special, actividadnan divertido y hopi premio grandi.  

Appreciation Week a permiti diferente sorpresa cu a ser revela tur dia. E ekipo di Recurso Humano a organisa un mainta sirbiendo batido, usando cups y pijp biodegradabel pa promove e Iniciativa di Sostenibilidad Corporativo. E miembronan di ekipo tambe a participa na un “Wellness day” cu presentacionnan di Citizens Insurance, nutricionista Angelique Salsbach, higienista dental Mirto Tromp y e specialistanan di Aruba Vision Center cu a duna un pre-eye test pornada na tur e miembronan di ekipo.  

Diaranson e miembronan di gerencia y e hefenan di cada departamento a traha den diferente puesto como un forma di mustra nan gradicimento na e miembronan di ekipo. E dia a termina cu un fiesta divertido di karaoke na Star Karaoke.  E celebracion di e dia ey a continua diahuebs cu un anochi competitivo y interactivo di “Mens Erger Je Niet” na Centro di Bario Brasil, sigui e diabierna pa un workshop di traha bo mesun aloe scrub.   

E miembronan di ekipo tambe a wordo mima cu un masashi riba stoel, cortesia di e terapistanam di eforea spa. E siman a conclui cu un actividad comunitario conhuntamente cu Cunucu +297 caminda e miembronan di ekipo a uni pa yuda planta 100 mata.  Appreciation Week a wordo crea pa yuda Hilton Hotels & Resorts impulsa e cultura di Blue Energy mundialmente. E compania ta beneficia di e Blue Energy Committees na cada hotel, na decenas di pais, na un paar di cien propiedad cu miles di miembronan di ekipo.