The Roots of Music na Corsou den Curaçao North Sea Jazz 2018

WILLEMSTAD – Organisadornan di e di 8 edicion di Curacao North Sea Jazz Festival a anuncia un nomber adicional pa e elenco di Curaçao North Sea Jazz Festival di aña 2018. E programa anuncia anteriormente lo keda amplifica cu e musiconan hubenil di esnan asina yama ‘The Roots of Music Marching Crusaders’ procedente di New Orleans (Merca). Nan lo bay move marchando durante e dianan di festival como e artistanan den movecion na ingles ‘artist on the move’ riba e terenonan cu ta destina pa e festival.

E programa ‘The Roots of Music’ a keda estableci i instala despues di e horcan devastador Katrina cu lo a duna hubentud di New Orleans e posibilidadnan pa medio di e plan educacional musical, e apoyo intelectual academico e guia di e mentor pa yega na un cierto dominio musical di un instrumento. Na mes momento tambe hasi tur loke ta posibel nan ta hasiendo pa mantene e herencia musical i cultural di e ciudad ey bibo.

E programa pa e muchanan entre e edad di 9 i 14 aña ta abarca i ta encera anualmente e cantidad di 2500 ora di historia musical hunto cu su parti di teoria, lesnan di musica di e diferente instrumentonan musical cu nan ta uza den e asina yama ‘marching bands’, les den coordinacion musical i preparacion pa presentacionnan musical. E Asociacion ta ofrece i ta pone na disposicion e instrumentonan mientras cu e programa ta accesible debi na su amplitud pa tur mucha. Ademas di ricibi e educacion musical e muchanan ta haña tambe guia pa nan tareanan di skol hunta cu nan cumindanan cayente, i nan transporte di trece i hiba nan bek, loke tambe ta cay bou di e encargo di e organisacion. Anualmente 30.400 cuminda ta keda prepara, nan ta hasi 1400 biahe den convoy mientras cu ta pone 150 instrumento na nan disposicion.

Diestres di e alumnonan mas talentoso lo duna, siendo cu nan ta miembro di ‘The Roots of Music Marching Crusaders’ (E Raiznan di e Crusero nan Musical Marchando), un muestra visual i tambe bistoso i un exhibicion di nan sonido durante e dianan di Curacao North Sea Jazz Festival durante nan diferente presentacionnan di e famoso tradicion musical di New Orleans.