Cartel poderoso di droga na Colombia kier elimina cacho di polis

BOGOTA – Polis Colombiano a cambia e area di trabou di un cacho rasa pastor Aleman, pa motibonan di seguridad. Esaki pasobra e cartel di droga mas grandi di Colombia, ‘Los Urabeños’ a pone un suma riba cabez di e cacho, esta pa elimina. E cacho ta uno special entrena pa polis.

ACCION

E cacho tabata envolvi den mas di 300 operacion di unidad anti droga di polis, unda cu el a logra gara 10 toneladad di cocaina. E operacion a conduci na 245 detencion, segun BBC. Los Urabeños no kier mas di esaki y como tal a pone 70 mil dollar disponibel pa e persona cu por elimina e cacho, osea mate.

SEGURIDAD

Como tal polis a re-ubica e cacho for di e centro di pais unda cu Los Urabeños tin nan base, pa e aeropuerto internacional di Bogota, unda cu Sombra (nomber di e cacho) tin menos risico pa su bida. Tambe a pone extra control riba e cacho pa proteha su bida.

Fuente: NOS.nl. Potret polis colombiano.