Lo purba anuncia reduccion tarifa awa y coriente prome cu fin di aña

ORANJESTAD – E intencion enberdad tabata pa a anuncia un reduccion di tarifa di awa y coriente caba, (pa 1 juli) pero circumstancianan a pone cu esaki mester warda un rato. Asina minister di energia Evelyn Wever a bisa NoticiaCla diahuebs mainta. “Na e momento aki mi no por bisa exactamente” Wever a bisa refiriendo na e fecha pa e anuncio. Su deseo tabata pa hacie 1 di juli. “Pero tabatin demasiado cosnan insigur e momento ey” e mandatario a sigui bisa.

HORDEL

E mandatario a bisa cu aworaki mester pasa e hordel di inversion pa loke ta trata e problema di ASTEC, aunke no ta problema di ASTEC. “E ora nos por bisa exactamente cu cuanto nos ta bay bahe pa cada categoria”. E intencion ta pa haci esaki prome cu fin di e aña aki.