Sindicatonan: Gobierno mester para medida of spera mas protesta

ORANJESTAD – Sindicatonan SEPPA, SADA, SIMAR, SPA, STT, SIWA, y UEA kier pa gobierno bandona cualkier idea cu no ta na bienestar di pueblo, y de lo contrario, lo por tin mas manifestacion riba caya contra medida. Esaki tabata e mensahe principal di e 7 sindicatonan cu diahuebs atardi a reuni cu e.o. prome minister Mike Eman. E reunion tabata uno solicita den forma di urgencia pa e sindicatonan y a tuma lugar na dr Edward Cheung Center na Sasaki. 

E sindicatonan menciona ta exigi politica nan economico, monetario y fiscal cu ta contribui na e crecemento y creacion di empleo, na lugar di desmantela e mecanismo nan di proteccion social y e destruccion di trabao. Y si esey no sosode, ta Nos mester di trabao decente y servicio publico di calidad pa apoya nos comunidad, pa ofrece educacion y servicio di salud pa e hobennan y nos grandinan. “Un pais sin servicio publico ta un pais pober, destina pa biba limita. Y un pais sin educacion ta un pais caminda mandatarionan ta abusa di poder y hiba e pais den deterioro. Nos ta haci referencia na p.e Haiti, na unda pa falta di servicionan publico hopi cos a bai robes na momentonan crucial y pasando den desaster natural"

"SEPPA, SADA, SIMAR, SPA, STT, SIWA, y UEA ta exigi Gobierno pa bandona cualkier idea cu no ta na bienestar di pueblo, sondea e diferente posibilidadnan, igualmente ehercicionan interno, bin cu alternativanan   cu no ta toca e cartera di e ser humano, cu no ta na final un medida mas", e manifiesto ta sigui bisa. De lo contrario cada biaha no solamente pueblo ta hay ‘e ta manifesta riba caya contra medidanan cu ta afecta su cartera, pero cual manifestacionnan of accionnan no solamente ta “acerta” sino tambe “inevitable” cu consecuencianan grandi pa desaroyo di nos mesun pais. Lesa e manifiesto completo (aki) cu a keda entrega diahuebs atardi.