Michella van Loon ta bira rector nobo di Colegio Arubano

ORANJESTAD - Despues di periodo largo di busca, pero sin exito, Colegio Arubano a logra haya un rector nobo. NoticiaCla a confirma cu ta trata di un persona femenino y cu e ta un persona local. Ta trata aki di e docente Michella van Loon, cu ta docente di geschiedenis y tabata ex directora di AVOND HAVO. Awe tardi e informacion a keda suministra na e empleadonan di e scol, y a compronde cu e ta cuminsa su labor nobo pa ora cu aña escolar nobo habri. Mas detayes no tabata conoci te ainda. 

PROBLEMA

For di tempo cu e rector anterior Hans Timmermans a bandona e scol, e scol tabatin problema pa haya un reemplazante. Dado momento a apunta conrector Anna Cameron como rector suplente. Pero aña pasa e tambe a retira di e funcion ey. Despues a surgi un buskeda y a keda cla cu un rector den persona di sr Claasen. Pero pa motibo cu gobierno no tabata dispuesto pa subsidia parti of su salario completo, e persona aki (aunke selecta y aproba pa Colegio), nunca no a keda oficialmente nombra como rector. Ta parse cu porfin a logra haya otro y awor un persona local, un dama, ta bira rector.