Ven Eman: No tilda Team Aruba pa situacion di Palo Marga

ORANJESTAD – Director di Team Aruba Ven Eman ta refuta cu ta tilde di ta responsabel pa e situacion na Palo Marga pa motibo di Team Aruba. E ta referi na e critica cu e placa cu nan ta(bata) haya, mester bay den drecha e facilidad di e pista di drag na Palo Marga. E ta mustra cu e la dedica 11 aña di su bida na e lugar, y no por bin culpa nan di e situacion ey. “Not correct!” Ven a bisa, desaprobando e comentarionan ey. Segun Eman, Palo Marga mester re-organize, haya un board y bira ‘turn-key’. Cu turn-key, Eman kier men cu bo mester por yega, y tin tur facilidad disponibel pa pone un careda ‘awe nochi’.

ESTADO PALO MARGA

E situacion cu e pista di careda di auto Palo Marga ta conoci pe awor, ta cu pa tin un careda, mester busca speaker, sound, waya, busca delco etc. “Esey ta e estado cu Palo Marga ta aden aworaki” Eman a bisa. Y cu e 100 mil florin y pico cu nan ta (bata) haya di ATA, no ta haci Palo Marga ningun fabor. “E 100 mil ta bay perdi. Loke nan mester di gobierno (ta) yudanza, ploeg, haci limpi, verf. E sorto di cosnan ey. Trece Palo Marga bek loke e tabata. A base di esey bo ta haya partners. Ora cu bo tin producto, bo tin henter un schedule di un aña, bo ta haya partners. Pero no gewoon uit de wilderweg asinaki” Eman a sigui bisa. Lamentablemente, segun Eman, esnan cu por y kier haci e trabou ey, bo por conta riba bo man. E ta mustra cu e lugar no ta facil y ta caba cu hende (su salud). E trabou ta hopi.

CAREDA RIBA CAYA

Un di e motivacion pa tin Palo Marga habri, ta e asunto di careda di auto riba caminda publico. Door di habri e facilidad na Palo Marga, ta duna opcion na e coredornan di auto pa evita di pusta riba caminda publico y bay haci’e riba un pista di drag. Pesey e competencia di street legal (autonan particular comun) ta asina popular y ta genera placa. Pasobra nan ta hopi y no ta costa hopi placa. Y esey por ta un motibo suficiente pa drecha y regla Palo Marga bek.

PLACA

E unico careda cu ta pues genera fondo, ta Street legal. Asina cu trece autonan di otro destinacion pa pusta, e gastonan ta bay na flete, hotel y otro cosnan. Eman a bisa cu streetlegal ta gana 5 pa 6000 florin pa careda. Anto e ganashi ey ta bay pa paga un careda grandi. Entrada di publico a bira asina abou debi na competencia di actividad. Diabierna anochi 900 hende y diasabra 1200 hende maximo ta yega, debi na falta di interes, mientras cu antes e lugar tabata yen di hende, segun Eman. Pero pa tilda nan cu ta pa nan culpa Palo Marga ta dray malo, no ta bon, Eman a finalisa bisando.