Team Aruba: Ta sigui cu e programa di auto di careda

Posted on 07/24/2018 3:04 pm AST | Updated on 07/24/2018 3:24 pm AST

ORANJESTAD - Team Aruba ta sigui cu e programa di auto di careda. Asina director di Team Aruba, Ven Eman a bisa. Team Aruba na niun momento a wordo notifica officialmente cu e programa ta yega su fin, despues cu e Board di ATA mes a duna goedkeuring y positief advies pa sigui cu e programa." Nos no por bay a base di noticia nan expresa den social media". Asina Eman a sigui bisa durante un conferencia di prensa diamars atardi. Ademas a desmenti cu a pidi ATA pa cumpra un auto nobo. Segun Trevor Eman driver di Team Aruba, yiu di Ven, nan a tende si di e purchase order pero esaki ta un fout. Unda e fout ta, nan no sa. Pero no ta e berdad cu nan a pidi pa cumpra e auto.

PUBLICACION

Eman a bisa cu manera ta conoci, recientemente por a nota publicacion nan cual ta cuestiona e trabao nan di Team Aruba y e parti financiero cu ta bay su tras. A bay asina leu di insinua cu lo pone un stop na e programa aki (den media nan di red social y corant).

PREPARACION

Cu esaki Team Aruba a anuncia cu ta sigui cu preparacion nan pa continuacion di e programa, como cu e auto nobo a keda cla y tambe cu Team Aruba, hunto cu 9 otro Mountain Motor Pro Stock a ricibi invitacion pa un exhibition race na e famoso NHRA US Nationals. Esaki ta e careda di mas grandi, popular y historico den henter mundo pa cu drag racing. Sigur un di e logro-nan di mas grandi cu Team Aruba lo realisa, unda cu Team Aruba cu orgullo lo carga Aruba durante e evento aki.

KEN TA TEAM ARUBA

Team Aruba a splica cu e ta un ekipo di drag race encabesa pa Ven Eman y Trevor Eman. Team Aruba ta participa den careda nan di drag race professional na Merca pa casi 15 anja caba, cu un auto di careda cargando e nomber y brand www.aruba.com

DEPENDE DI MERCADEO

E ta un hecho cu Aruba ta depende riba mercadeo di su producto na Merca. Algo cu Team Aruba ta haci hopi bon cu hopi exito introduciendo hopi hende di e mundo di drag race cu e producto Aruba.

FONDO

Team Aruba ta ricibi anualmente $150,000 pa participa den 8 – 10 careda pa anja y tambe forma parti di 3 – 5 displays y conventions. Cargando branding di Aruba riba tur cos; auto di careda, trailer, pit awning, uniform etc etc. Na careda nan, Ven, Trevor y dimas crew members ta papia cu fanatico nan di drag race tocante Aruba y tur locual nan ta desea di sa di Aruba. Combersando cu e fanatico nan riba e nivel personal “one-on-one” so caba ta duna tremendo resultado. Ken mihor pa bende e producto Aruba, cu un Arubiano mes.

ROI

E esfuerso nan y trabao nan cu Team Aruba ta eherce, cual tambe por mira riba e potret nan, ta duna un Return On Inventment marketing value di alrededor di $1.5 miyon cada anja. Es decir, ATA ta inverti $150,000 y ta ricibi un return di $1.500.000. Haciendo esaki pa casi 15 anja ta nifica cu Aruba a ricibi un return on investment di mas di $20,000,000 (20 miyon dollar)

GRADICIMENTO

Nos ta gradici Aruba Tourism Authority y e Board di ATA pa nan confiansa y sosten den Team Aruba y ta conta cu nan apoyo pa cu e futuro di e programa.

E careda di ciclista ‘12 Hours di Aruba’ ta bolbe na 2024!
ORANJESTAD - E tenshon ta subiendo mientras e edicion di 2024 di 12 Hours di Aruba ta acercando. Riba djasabra 20 di april, participantenan entusiasta di entre otro Aruba, Curaçao, Bonaire i Hulanda ta reuni na Sero Cristal pa un di e eventonan mas emocionante den e region. Cu un mescla di adrenalina, team spirit i pa un bon causa, e evento internacional aki organisa pa FX Hubada ta promete pa ta un espectáculo cu ningun hende kier perde.
Mas Deporte
Lesa Mas
Coredornan di Aruba ta cla pa e marathon di Londen pa diadomingo
LONDEN – Un grupo basta grandi di por lo menos 10 coredor di Aruba ta participa diadomingo na e marathon di London, considera como un di e marathon crucial internacional. Diabierna nan a registra nan mes oficialmente y a haya nan number y bib (e registro electronico) pa nan por participa. For di e portal deportivo 297 Sports, noticiacla a compronde cu tin por lo menos 50 mil participante diadomingo awor. Esnan di Aruba cu ta participa ta e.o. e docter di cas Joaquin van Trigt y e coredor conoci Shariska Winterdaal, Ana Mujica, Jeanette Croes, Lili Mejia, Edeline Weller, Filomena Paesch, Esther Colina, Carla Fingal y Ricky Refunjol. Potret cortesia 297 Sports.
Mas Deporte
Lesa Mas
Rafael Nadal: Mi ta considera esaki como mi ultimo aña (hungando tennis professional)
BARCELONA – E strea internacional di tennis professional Rafael Nadal a anuncia cu esaki ta su ultimo aña professional. “ Mi ta considera esaki como mi ultimo aña y mi kier disfruta di cada momento” Nadal a bisa dialuna durante un conferencia di prensa na Barcelona. E la anuncia su participacion diamars awor na e torneo ATP na Barcelona. Ta su prome participacion despues di a retira tres luna pasa di e torneo na Australia. E ganador di 22 titulo grandslam, a dicidi ultimo momento pa participa e siman aki. E tenista di 37 aña di edad mester a sacrifica varios torneo debi na su condicion fisico cu no tabata optimal. Ultimo tempo e ta sufriendo di basta lesion y a indica aña pasa caba cu esaki por ta su ultio aña. Awe e la confirma cu esaki enberdad ta su ultimo aña hungando tennis professional.
Mas Deporte
Lesa Mas
Cantidad record di persona ta den Ronde van Aruba awe
SAVANETA – Un cantidad record di persona ta den Ronde van Aruba (RVA) awe. Segun informacion di e portal 297Sports, un total di 726 coredor ta subi caminda, cual por cierto ta un record. Tur e lunanan di preparacion lo keda demostra awe riba caminda unda e demas participantenan lo duna un show di coremento riba e careteranan di nos dushi isla di Aruba. Lo tin un total di 16 coredor single e aña aki, 57 duo teams cual ta e cantidad mas grandi den historia di RVA. Por ultimo e 149 estafette lo ta den e gruponan di 4 relay, pues 596 persona lo core e 72km rond di nos isla. E fiebre di Ronde van Aruba ya a wordo sinti y lo bay ta grandi awe full rond di nos isla cu hopi mirones canto di caminda. Tin varios happening prepara na e diferente post.
Mas Deporte
Lesa Mas
Seleccion cu a conkista 54 medaya den Carifta Aquatics Championship 2024 a bolbe Aruba
ORANJESTAD - Diabierna atardi den un esfera ameno, Minister Endy Croes a ricibi nos Seleccion di Landamento y Seleccion di Landamento Artistico den e VIP room di Aeropuerto Internacional Reina Beatrix. Manera ta conoci, siman pasa nos atletanan a competi den Carifta Aquatics Championships 2024 cu a tuma luga na Nassau, Bahamas y Fort Lauderdale, Florida. Carifta ta e competencia di e mihonan di Caribe. E aña aki alrededor di 400 atleta di 21 pais a participa. Famia y amistad tabata ansioso sperando e yegada di nos atletanan. E hobennan a conkista un total di 54 medaya den dos diferente disciplina acuatico: landamento y landamento artistico. Den e disciplina di landamento a logra 30 medaya y landamento artistico 24 medaya. Pais Aruba a keda na di 7 luga den 21 pais. Den nomber di Gobierno di Aruba, Minister Endy Croes a felicita e atletanan cu nan excelente prestacion den Carifta. Alabes, a gradici e atletanan pa carga nomber di Aruba y laga nos pais briya riba plataforma internacional.
Mas Deporte
Lesa Mas
Cantidad di hungadornan internacional den baseball Major League na Merca a baha
NEW YORK — E percentahe di hungadornan internacional hungando baseball professional na Merca, a baha te na 27.8% cu ta e nivel di mas abou desde 2016. Aworaki tin 264 hungador di 19 pais, entre e 949 hungadornan activo total ora cu e temporada 2024 a habri siman pasa. E pais internacional cu tin mas hungador na Merca, ta Republica Dominicano cu 108 hungador, sigui pa Venezuela cu 58 sigui pa Cuba cu 18. Corsou tin 4 mientras cu Aruba tin 1 (oficialmente) cu ta Xander Bogaerts. Actualmente e tin un hungador riba ‘standby’ cu Atlanta Braves, esta Chadwick Tromp. Pa loke ta e ekipo cu tin mas hungador internacional, Houston Astros ta lidera e grupo aki cu 16 hungador, sigui pa San Diego cu 15, Boston cu 14, Miami cu 14 y Cleveland cu 12.
Mas Deporte
Lesa Mas