Atrobe Warda Costa ta gara boto cu Venezolano drentando Aruba

ORANJESTAD - Un biaha mas Venezolanonan a purba drenta Aruba den un forma clandestino, pero atrobe nan a keda gara pa Warda Costa di Caribe. Tabata diasabra anochi cu a intercepta e boto cu por lo menos 20 persona abordo na altura di Savaneta, tur Venezolano. Informacion cu NoticiaCla tin, ta papia du 3 muher y 17 homber. No ta prome biaha cu esaki ta sosode, y den e caso aki ta numeroso biaha den un tempo cortico di 2 siman cu a pone man riba Venezolanonan purbando di drenta Aruba. Como tal por bisa cu e frecuencia cu cual e Venezolanonan ta yegando, den forma clandestino, ta aumentando. Manera e portal aki a raporta caba den pasado recien, Warda Costa a informa tambe cu nan a aumenta e frecuencia di nan vigilancia netamente pa e motibo aki. Nota: E potret ta di archivo di NoticiaCla di 2016 ora cu un grupo di Venezolano tambe a yega Aruba di forma clandestino.