Comunidad Caribense rabia tocante pronunciamento di Blok: pidi despensa y tuma retiro

Comunidad Caribense rabia tocante pronunciamento di Blok: pidi despensa y tuma retiro

Posted on 07/20/2018 10:20 am AST | Updated on 07/20/2018 10:22 am AST

DEN HAAG – “Actitud indigno pa un minister di Asuntonan Exterior’, asina OCan ta yama e pronunciamentunan di minister Stef Blok (VVD) tocante Surnam i e comunidad multicultural. E fundacion na nomber di comunidad Caribense ta exigi despensa i un combersacion cu gabinete.

Siman pasa Blok, durante un encuentro priva a bisa cu e no conoce niun pais cu un comunidad multi-etnico òf multicultural caminda ainda e poblacion original tambe ta biba i caminda ta biba hunto pacificamente. Ademas Blok a yama Surnam un ‘failed state’ i el a bisa cu ‘probablemente ta genéticamente determina cu nos no por haña un bon contacto cu hende cu nos no conoce.’ Despues e minister ta bisa cu el a uza palabra muchu skerpi i cu ta duel e cu el a ofende hende cu e actitud aki’.

‘Pidi despensa no por camufla e falta di conocemento i nocion historico di e minister aki’

No obstante e despensa di Blok ainda e indignacion ta grandi, na Corsou tambe. E minister Curasoleño di Salubridad, Suzy Camelia-Römer por ehempel ta puntra su mes ‘con por ta cu un minister di Asuntonan Exterior, di un reino cu ta consisti di cuater pais cu un comunidad multi-cultural, por yega na pronunciamento asina?’ “Corsou so caba ta consisti di un mezcla di etnicidad, cultura i religion cu tur ta biba hunto den harmonia”, Camelia-Römer ta bisa. “Ta obvio cu tin un falta di conocemento cultural i historico cerca Blok, pidi despensa no por camufla esaki i pesey ta miho e baha como minister.”

'Nos a keda babuca i nos ta puntra nos mes si e por sigui como minister’

Presidente di OcAN, John Leerdam, tin pregunta tocante e aptitud di Blok riba e posicion aki: “Nos a keda babuca i nos ta puntra nos mes si e por sigui como minister.” E fundacion ke un combersacion cu gabinete hulandes. Nos ke sa ta con nos ta bay sigui hunto awor. Tur loke a logra den e ultimo 75 añanan cu e pronunciamentonan aki a kibra.”

Ret Karibense Autor: Natasja Gibbs

  • Landado Hulandes ta logra colecta 2.5 miyon euro pa cancer

    Landado Hulandes ta logra colecta 2.5 miyon euro pa cancer

    LEEUWARDEN - E landado Maarten van der Weijden a colecta 2.5 miyon euro pa investiga cancer, cu su odisea di landamento door di Friesland. E odisea tabata pa landa e asina yama Elfstedentocht, pero e no a logra completa esaki y mester a para despues di a landa 163 km durante 55 ora largo. Van der Weijden a haya un 'cruz' special di Elfsteden for di man di prome minister Hulandes Mark Rutte. Segun Rutte, e palabra hero ta mucho chikito pa van der Weijde. "E ta un gigante", Rutte a bisa. 

  • Arubahuis: Opvangweek tabata positivo pa studiantenan nobo for di Aruba

    Arubahuis: Opvangweek tabata positivo pa studiantenan nobo for di Aruba

    DEN HAAG  – Arubahuis por mira bek riba un Opvangweek 2018 sumamente positivo pa studiantenan nobo for di Aruba na Hulanda. Asina un comunicado di ArubaHuis ta bisa diahuebs. Segun Arubahuis, esaki ta sigur danki na e esfuerso y trabou incansabel di tur e miembronan di e diferente Plaatselijke Opvangcommissies (POC’s) como tambe di e mentoren di diferente regio. E studiantenan nobo for di Aruba a yega Hulanda e aña aki dia 5 di augustus ultimo unda cu a start mesora cu e asina yama opvangweek den e diferente cuidadnan. Un grupo grandi di studiante di Aruba a participa na un siman yen di actividad y informacion como introduccion na nan bida nobo na Hulanda. E grupo mas grandi di studiante e aña aki tabata un biaha mas pa e regionan den Randstad manera Den Haag/Delft/Leiden, Utrecht y Rotterdam. 

  • Arubahuis: Critica di studiante no ta aplicable pa henter Hulanda

    Arubahuis: Critica di studiante no ta aplicable pa henter Hulanda

    DEN HAAG – E critica riba situacion di studiantenan na Hulanda relaciona cu nan yegada, manera describi den un matutino awe na Aruba, no ta aplica pa henter Hulanda. Asina Arubahuis a reacciona diahuebs atardi. Segun Arubahuis segun un articulo den e matutino Bon Dia Aruba di 9 augustus cu studiantenan ta mal contento cu opvang na Hulanda. Mester remarca cu e situacion describi den e articulo ta toca Den Haag y no ta aplicabel pa henter Hulanda.

  • Studiantenan di Aruba a yega Hulanda bon

    Studiantenan di Aruba a yega Hulanda bon

    DEN HAAG – Cu vuelo 765 di KLM a yega awe 5 di augustus un cantidad di 173 studianteArubano pa sigi un estudio avansa na nivel HBO of Universidad na Hulanda.Na Schiphol un delegacion consistiendo di Minister Plenipotenciario Guillfred Besaril, director a.i. di Gabinete di Aruba mr. Glenn Ling, functionarionan di Departamento di Enseñansa diGabinete di Aruba, studiementor y miembronan di e POC (Plaatselijke Opvangcommissie) a ricibi e studiantenan. Pafor di e sala di yegada e studiantenan a keda ricibi y yama bon bini na Hulanda door diMinister Plenipotenciario Guillfred Besaril, director a.i. mr. Glenn Ling y coordinador diDepartamento di Enseñansa di Gabinete di Aruba James van der Linde. Na un forma bonorganisa e studiantenan a haya instruccion di personal di Cas di Aruba, mentornan y miembronan di e POC unda nan mester a para den grupo pa warda nan turno pa bai na e bus cu lo hiba nan na nan ciudad di estudio. Mescos cu tur aña Robby Schouten a haci un reportahe pa su programa Leu foi Cas y tambe RTV7 a haci grabacion. Dialuna 6 di augustus e studiantenan lo cuminsa cu e programa di “opvang” obligatorio, cual lo dura entre tres dia y un siman. Durante e dianan aki e studiantenan nobo lo haya e guia nesesario den nan ciudad unda pa sigur cuater aña of mas nan lo biba y studia. E prome aña e studiante ta ricibi guia di e studiementor, pero pa e resto di su estudio e ta cai bou di Gabinete di Aruba. Riba e website di Cas di Aruba www.arubahuis.nl tin un reportahe fotografico extenso di eyegada di e studiantenan.

  • Cas di Aruba ta cla pa ricibi nos studiantenan

    Cas di Aruba ta cla pa ricibi nos studiantenan

    DEN HAAG  – ‘E preparacionnan pa ricibi e grupo nobo di studiantenan cu ta yega Hulanda diadomingo 5 di augustus benidero ta extenso pero bayendo bon. E team di Cas di Aruba cu ta consisti di empleadonan di Cas di Aruba, e mentornan y diferente miembronan di e Plaatselijke Opvangcommissie (POC) ta cla pa ricibi nos hobennan na Schiphol.’ Esaki Minister Plenipotenciario Guillfred Besaril a bisa na antesala di e yegada di e grupo di 173 studiante for di Aruba. Banda di e grupo aki tin algun studiante cu ya caba ta na Hulanda of lo yega despues.

  • Besaril: Cla pa ricibi 170 ‘Bursalen’ for di Aruba diadomingo awor

    Besaril: Cla pa ricibi 170 ‘Bursalen’ for di Aruba diadomingo awor

    DEN HAAG/ORANJESTAD – Un total di 170 studiante (‘Bursalen’) di Aruba ta biaha diasabra awor pa Hulanda pa cuminsa nan estudio avansa. Ainda ta yama nan ‘bursalen’ aunke cu no por referi na un beurs, sino un studielening. Minister Plenipotenciario di Aruba na Hulanda Guilfred Besaril a confirma pa NoticiaCla cu tur cos na Arubahuis ta cla pa ricibi nan diadomingo . Tur cos di e studiantenan ta regla cu excepcion di alohamento, unda cu Besaril a confirma cu 20% di studiantenan no a keda cla ainda cu esaki, pero cu ta trahando pa remedia e asunto.

  • Powered by SETAR