Wever: Gobierno di Aruba no ta comparti expresion di minister Blok

ORANJESTAD - Gobierno di Aruba no ta comparti e expresion di minister di relacionan exterior Hulandes Stef Blok relaciona cu un sociedad multicultural. Asina prome minister di Aruba Evelyn Wever Croes a bisa NoticiaCla diahuebs anochi. "E expresionan no ta representativo pa e realidad den e parti Caribense di Reino y tampoco pa e experiencia di ciudadnaonan di Reino for di Aruba na Hulanda", Wever a sigui bisa. "Aruba y Reino ta un solo sociedad multicultural y esey ta nos forza". Segun Wever, e declaracionan di Blok ta implica un suposicion negativo den bista di un sociedad multicultural.  

BLOK

E publicidad Zembla diaranson a publica declaracion di Blok den cual e ta yama Surnam un estado fracasa pasobra tin varios grupo di sociedad eynan cu no por biba hunto den harmonia. E declaracion aki a causa consternacion na Surnam y tambe otro partinan di Caribe. Corsou particularmente tambe a reacciona basta fuerte indicando cu nan no ta comparti e declaracionan aki y cu e ta afecta e pueblo di Corsou tambe. Blok mientrastanto a pidi su disculpa y a admiti cu e declaracionan haci no tabata e miho uso di palabra di dje. Oposicion kier mas accion y a pidi pa retiro di e mandatario. NOTA: E potret di portada ta di archivo di NoticiaCla di e bishita recien di e mandatario Hulandes na Aruba.