Produci producto local no ta mas barata cu si importa nan

Produci producto local no ta mas barata cu si importa nan

Posted on 07/19/2018 4:45 pm AST | Updated on 07/19/2018 4:46 pm AST

DEN HAAG – E produccion di productonan local den Caribe Hulandes (manera Aruba) di p.e. berdura y fruta of otro producto pa cultivo den cura, no ta no ta aporta na reduccion di gastonan di bida. Asina un rapport recien publica na Hulanda ta bisa. Asina e portal Koninkrijks relaties ta raporta diahuebs. No obstante e rapport aki, gabinete Hulandes a reacciona bisando cu pa promove produccion local como arma pa bringa pobreza.

CARO

Como argumento uza, secretario di estado Tamara van Ark di asuntonan social ta bisa cu gastonan di importacion ta haci e productonan importa caro. Esaki no ta ilogico pasobra transporte via laman, controlnan fuerte y impuesto halto riba importacion di producto, ta afecta e prijs final cu e consumidor ta paga den supermercado pa su producto fresco.

INVESTIGACION

Sinembargo, segun e portal, gobierno Hulandes aparentemente no ta na altura di e investigacion di tarifa den Caribe Hulandes cu Ecorys y Curconsult a haci aña pasa riba orden di ministerio di asuntonan economico. E resultado ta publica den un rapport fuerte, pero cu supuestamente e mandatarionan Hulandes no a compronde. Segun e rapport, e gastonan pa produci e productonan pa consumo local, ta mas halto cu loke e ta produci. Esey ta e conclusion. Di otro banda e ta genera si otro beneficio social manera empleo y menos dependencia di importacion externo. E conseho ta pa e islanan keda inverti den proyectonan pa produci fruta, berdura y carni localmente, pero pa controla esaki hopi bon riba e efectividad di gasto. A determina cu e proyectonan actual cu ta existi, no por sobrevivi independientemente. No obstante e subsidio di e.o. Den Haag, e resultadonan ta basta decepcionante. A sugeri entre otro pa stimula produccion local door di aumenta e tarifa di importacion, of pa duna productornan local beneficio fiscal. Pero pa e secretario di estado economico, e conclusion tabata cla. ‘Produccion local no ta e solucion structural pa combati prijs halto’.

Fuente: www.koninkrijksrelaties.nu. Autor René Zwart

  • Tweede Kamer no ta haya contesta riba caso Henk Brons ainda

    Tweede Kamer no ta haya contesta riba caso Henk Brons ainda

    DEN HAAG – Minister Kajsa Ollongren y secretario di estado Raymond Knops no ta bay contesta pregunta ainda riba e asunto di gastamento di placa di ex representante di Hulanda Henk Brons. Asina Tweede Kamer a tende dialuna di e minister responsabel pa e cartera. Ta trata di preguntanan di miembronan van raak(SP) y Van der Molen, Van den Berg y Omtzigt(tur tres CDA), basa riba un noticia riba NOS na November cu Brons lo a haya 40 mil euro pa a permanece 18 dia na Corsou. Algo cu a crea hopi pregunta na Hulanda. Entre nan preguntanan di miembronan di Tweede Kamer. Pero a bin compronde cu e ministernan respectivo a opta pa no contesta preguntanan ainda, pendiente investigacion di e.o. Auditdienst Rijk osea ADR. E mandatario a informa dialuna cu pa fin di januari 2019 e ta spera di haya un rapport riba e suseso y e ora por duna comentario. Henk Brons tabata representante di Hulanda na Corsou te cu april di e aña aki ora cu el a bira e director Relacion di Reino na BZK. (Binnenlandse Zaken en Koninkrijks relaties.   

  • Corte ta rechasa peticion di Hulandes pa cambia fecha di nacemento legalmente

    Corte ta rechasa peticion di Hulandes pa cambia fecha di nacemento legalmente

    ARNHEM – E peticion di ciudadano conoci, esta e guru di positivismo Hulandes Emile Ratelband pa legalmente cambia su fecha di nacemento, a keda rechasa.  Segun corte, ley no ta brinda e espacio pa permiti un cambio asina. Ratelband a declara caba cu e no ta contento y cu e ta bay apela su sentencia. Ratelband su ex tabata conocido Gitta de Wit cu tabata doño di Tempo na Aruba. Na 2015 Gitta a muri repentinamente. E ora e nomber Ratelband a bira conoci den e region aki. 

  • Taco Bell na Hulanda a cera despues di ta habri apenas un aña y mei

    Taco Bell na Hulanda a cera despues di ta habri apenas un aña y mei

    BRABANT – Despues di apenas un aña y mei di a habri e prome filial na Hulanda, Taco Bell a cera tur nan tres establecimentonan eynan ‘per direct’. Nan no a duna motibo pakico ta cera esaki pero a haci e anuncio diabierna. Tabata na juni di aña pasa cu a habri e prome na Eindhoven, cu e intencion di habri 20 mas den 4 aña di tempo. A habri apenas 3 den Brabant, y no a yega mas leu.  Taco Bell tin 6.000 filial na Merca y ta considera como un di e cadenanan di ‘fast food’ mas grandi. Aruba tin Taco Bell tambe y ta hopi exitoso riba nos isla. 

  • Prome minister Hulandes Mark Rutte na Aruba na januari 2019

    Prome minister Hulandes Mark Rutte na Aruba na januari 2019

    DEN HAAG/ ORANJESTAD – Prome minister di Hulanda Mark Rutte lo ta na Aruba na januari 2019. Pa ta exacto, Rutte lo ta di bishita pa un solo dia, esta dia 22 di januari proximo. Asina NoticiaCla a confirma for di Hulanda. Rutte su bishita principal ta pa e congreso na Corsou titula 'Bon Bini for Business', cu  prome minister di Corsou Eugene Rhuggenaath a confirma durante su bishita na Hulanda siman pasa. NoticiaCla tabata warda confirmacion di e fecha exacto. Hunto cu Rutte, lo acompañe minister di Husticia Ferdinand Grapperhaus y secretario di estado Hulandes Raymond Knops. E mandatario lo bishita Gobernador, Prome minister di Aruba y posiblemente algun sitio no confirma ainda. 

  • VIDEO: Sentencia casacion contra ex prome minister Gerrit Schotte y partner

    VIDEO: Sentencia casacion contra ex prome minister Gerrit Schotte y partner

    DEN HAAG - E sentencia contra ex prome minister di Corsou Gerrit Schotte y su pareha Cicely vd Dijs ta definitivo. Manera NoticiaCla a relata caba, esaki kier men cu Schotte y su pareha tin cu raporta na prison di Corsou. Video cortesia Hoge Raad/Ministerio Publico.

  • Corte di casacion a mantene sentencia contra ex prome minister di Corsou y partner

    Corte di casacion a mantene sentencia contra ex prome minister di Corsou y partner

    DEN HAAG - Corte di Casacion na Hulanda a mantene e sentencia di tanto ex prome minister di Corsou Gerrit Schotte y su pareha Cicely vd Dijs den caso Babel. Ademas a mantene e sentencianan tambe. Esey kier meen cu ambos tin cu sinta nan respectivo castigo di prison, cu pa Schotte ta 3 aña y pa su pareha 9 luna (15 luna kitando 6 luna condicional). Lesa e sentencia completo AKI. 

  • Powered by SETAR