Produci producto local no ta mas barata cu si importa nan

Produci producto local no ta mas barata cu si importa nan

Posted on 07/19/2018 4:45 pm AST | Updated on 07/19/2018 4:46 pm AST

DEN HAAG – E produccion di productonan local den Caribe Hulandes (manera Aruba) di p.e. berdura y fruta of otro producto pa cultivo den cura, no ta no ta aporta na reduccion di gastonan di bida. Asina un rapport recien publica na Hulanda ta bisa. Asina e portal Koninkrijks relaties ta raporta diahuebs. No obstante e rapport aki, gabinete Hulandes a reacciona bisando cu pa promove produccion local como arma pa bringa pobreza.

CARO

Como argumento uza, secretario di estado Tamara van Ark di asuntonan social ta bisa cu gastonan di importacion ta haci e productonan importa caro. Esaki no ta ilogico pasobra transporte via laman, controlnan fuerte y impuesto halto riba importacion di producto, ta afecta e prijs final cu e consumidor ta paga den supermercado pa su producto fresco.

INVESTIGACION

Sinembargo, segun e portal, gobierno Hulandes aparentemente no ta na altura di e investigacion di tarifa den Caribe Hulandes cu Ecorys y Curconsult a haci aña pasa riba orden di ministerio di asuntonan economico. E resultado ta publica den un rapport fuerte, pero cu supuestamente e mandatarionan Hulandes no a compronde. Segun e rapport, e gastonan pa produci e productonan pa consumo local, ta mas halto cu loke e ta produci. Esey ta e conclusion. Di otro banda e ta genera si otro beneficio social manera empleo y menos dependencia di importacion externo. E conseho ta pa e islanan keda inverti den proyectonan pa produci fruta, berdura y carni localmente, pero pa controla esaki hopi bon riba e efectividad di gasto. A determina cu e proyectonan actual cu ta existi, no por sobrevivi independientemente. No obstante e subsidio di e.o. Den Haag, e resultadonan ta basta decepcionante. A sugeri entre otro pa stimula produccion local door di aumenta e tarifa di importacion, of pa duna productornan local beneficio fiscal. Pero pa e secretario di estado economico, e conclusion tabata cla. ‘Produccion local no ta e solucion structural pa combati prijs halto’.

Fuente: www.koninkrijksrelaties.nu. Autor René Zwart

  • ANP: Partido Forum ta gana eleccion na Hulanda

    ANP: Partido Forum ta gana eleccion na Hulanda

    DEN HAAG – E partido Hulandes nobo esta Forum voor Democratie den e pronostico provisional di e agencia di noticia ANP a bira e partido di mas grandi na Hulanda, sigui pa VVD. Asina e portal di noticia Hulandes N.O.S. ta raporta diahuebs marduga. Ambos partido tin 12 asiento pa Eerste Kamer. VVD ta perde asina 1 asiento. Ta prome biaha cu FvD ta participa na eleccion provincial. Despues di 60% di e votonan conta, CDA ta riba di tres lugar cu 9 asiento, un perdida di 3 asiento. Groenlinks ta subi di 4 pa 9 asiento. PvdA ta cay cu 1 asiento, D66 cu 4, ChristenUnie ta subi cu 1 asiento. E resultado final ta wordo spera diahuebs mainta. 

  • N.O.S.:Coalicion ta parse di a perde mayoria den Eerste Kamer

    N.O.S.:Coalicion ta parse di a perde mayoria den Eerste Kamer

    DEN HAAG – Ta parse segun encuestanan di salida, cu e coalicion a perde su mayoria den Eerste Kamer. Votadornan por a deposita nan voto pa estadonan provincial y na mei, e miembronan di staten ta eligi esnan di Eerste Kamer. Segun e encuesta di salida (exitpolls) di e compania Ipsos, e partidonan VVD, D66, CDA y ChristenUnie ta baha di 38 asiento te na 31 asiento. VVD ta cay di 13 pa 12, D66 di 10 pa 7,  CDA di 12 pa 8, y ChristenUnie ta subi di 3 pa 4.  

  • Total di 18% di votadornan na Hulanda a vota caba pa eleccion provincial

    Total di 18% di votadornan na Hulanda a vota caba pa eleccion provincial

    DEN HAAG – Di e 13 miyon votadornan registra, 18% a vota caba pa e eleccion provincial, cu ta igual cu 2015 na e mesun momento. Esaki segun un indicacion di e oficina di investigacion Ipsos. Durante e ultimo eleccion un total di casi 48% a vota. Tin 10 mil stemlokaal y por reparti e votonan entre e 570 asientonan di estado.  

  • Sospechoso di atentado na Utrecht a keda deteni!

    Sospechoso di atentado na Utrecht a keda deteni!

    UTRECHT – Polis Hulandes a detene e sospechoso di e atentado den un tram na Utrecht, e Turko Turco Gökmen Tanis (37)  dialuna anochi 6:30pm ora di Hulanda. Nan a detene den un cas na Utrecht mes. Gökmen Tanis ta wordo sospecha di a mata 3 persona y herida 9 den un tram mas tempran den un tram na Utrecht, Hulanda. E homber lo a los varios tiro den e ultimo cabina di un tram cu tabata riba e plein 24 di October den provincial di Utrecht. Asina alcalde Van Zanen a bisa.  Ainda autoridad Hulandes ta considera esaki un acto terorista pero a baha e nivel di alerta di 5 pa 4, despues cu a logra detene e sospechoso.

  • Tres morto y 9 herido den atentado den tram na Hulanda

    Tres morto y 9 herido den atentado den tram na Hulanda

    UTRECHT – Tres morto y 9 herido ta loke polis Hulandes ta raporta dialuna merdia despues di e atentado den un tram mas tempran den un tram na Utrecht, Hulanda. Un homber a los varios tiro den e ultimo cabina di un tram cu tabata riba e plein 24 di October den provincial di Utrecht. Asina alcalde Van Zanen a bisa. Polis tin bista riba un sospechoso, un Turco Gökmen Tanis (37) cu ainda ta fugitivo. Polis a publica un potret (saca den tram awe mainta di e fugitivo).  Polis a pidi pa no acerca e persona pero si raporta esaki na polis mesora. Autoridad Hulandes ta considera esaki un acto terorista. 

  • Caso di tiramento den tram na Utrecht, Hulanda

    Caso di tiramento den tram na Utrecht, Hulanda

    UTRECHT – Den un tram den Utrecht riba ‘Plaza 24 di October’, un homber a tira riba hende, heridando varios y unda cu tin un posibel morto dialuna mainta cuarto pa 11 (ora di Hulanda) . No ta hopi cla kico a sosode exactamente pero polis ta tene cuenta cu por trata di un acto di terror. E homber cu a comete e acto, a logra huy den un auto y polis ta en busca di e persona. Polis a aumenta e nivel di menasa na esun di mas halto, esta 5. Prome Minister di Hulanda Mark Rutte a yama e situacion uno ‘preocupante’ 

  • Powered by SETAR