AVvB: E empresario tin e libertad pa dicidi con ta cobra BBO/BAZV/BAVP

AVvB: E empresario tin e libertad pa dicidi con ta cobra BBO/BAZV/BAVP

Posted on 07/18/2018 5:31 pm AST | Updated on 07/18/2018 5:32 pm AST

ORANJESTAD - A base di e ley actual, empresarionan tin e libertad pa dicidi con nan kier cobra e BBO/BAZV/BAVP y na cual tarifa nan kier cobra nan cliente. For di punto di bista di e cliente esaki por trece confusion, si cada empresario trata e BBO/BAZV/BAVP na un manera diferente. Ta keda e ora na cada cliente pa dicidi cerca ken e ta haci su compranan.

LEY

Desde 1 di juli 2018 tin diferente cambio cu a wordo incorpora den ley di BBO y BAZV. Den e sistema di impuesto di Aruba a inclui un impuesto nobo, esta e ‘Belasting op additionele voorzienigen PPS-projecten (‘BAVP) cu un tarifa di 1,5%. E tarifa di BAZV a subi di 2% pa 3%. E tarifa di BBO a keda 1,5%. En total e BBO/BAZV y e BAVP a bira 6%. Banda di e adaptacion di tarifa tin algun otro cambionan cu a wordo incorpora pero cu nos lo no trata den e articulo aki. E Asociacion di Conseheronan di Impuesto (AVvB) ta spera di por duna un splicacion cu ta aclarea e sistema di cobranza di e BBO/BAZV/BAVP cual ta na vigor tanto prome y despues di 1 di juli 2018.

E TIPO DI IMPUESTO

E BBO, BAZV y e BAVP cu a keda introduci recientemente ta tiponan di impuesto cu ta wordo cobra riba e volumen di benta cu e empresarionan ta realiza den cuadro di nan empresa of profesion pa duna servicio of entrega di producto na Aruba. Como volumen di benta ta wordo considera e total di e compensacion cu e empresario ta haya, incluyendo e BBO/BAZV/BAVP cu e empresario a cobra e cliente, pa e servicionan duna y productonan entrega den e cuadro di su empresa. E unico diferencia entre e BAZV y e BBO/BAVP ta cu e BAVP ta un cobranza destina (‘bestemmingsheffing’) cual ta nifica cu e impuesto no ta bay pa gobierno su caha general sino ta destina pa e fondo di AZV.

NOTIFICACION RIBA E FACTURA

Na momento cu a introduci e ley di BBO na 2006 tabata poni den e concepto di ley un prohibicion pa menciona e BBO riba e factura. E tempo ey e sector comercial a protesta contra e prohibicion aki y asina a saca e prohibicion for di e ley definitivo. Esaki ta encera cu a base di ley actual e empresario ta liber pa dicidi si e kier pone e BBO y awo e BAVP riba e factura/bon of no. Contrario na esaki, pa e BAVP (cual ta un cobranza destina) si tin un obligacion pa ley pa e empresario menciona e BAZV cu ‘e mester paga’ na Departamento di Impuesto riba e factura/bon. Tambe en caso e empresario ta cobra e BBO/BAZV/BAVP na su clientenan y kier menciona esaki riba su factura/bon, e mag di duna e BBO/BAZV/BAVP un otro nomber, por ehempel ‘sales tax’, ‘tax’, ‘impuesto’, ‘heffing’.

TARIFA

E empresario ta liber pa dicidi si e ta cobra of no cobra of cobra parcialmente e 6% ‘cu e mester paga na Departamento di Impuesto’ na su clientenan. Cu tin empresarionan cu ta cobra un tarifa diferente, por ehempel 6,38% tambe ta permiti. Por ehempel, door di cobra e porcentahe di 6.38% e BBO/BAZV/BAVP cu empresario mester paga na Departamento di Impuesto ta wordo carga completamente door di cliente. Esaki ta un decision di e empresario cu ta permiti pa ley.

CONCLUSION

A base di e ley actual, empresarionan tin e libertad pa dicidi con nan kier cobra e BBO/BAZV/BAVP y na cual tarifa nan kier cobra nan cliente. For di punto di bista di e cliente esaki por trece confusion, si cada empresario trata e BBO/BAZV/BAVP na un manera diferente. Ta keda e ora na cada cliente pa dicidi cerca ken e ta haci su compranan.

 

  • Feliz ganado di 1 miyon florin cu Mini Mega a reclama su premio

    Feliz ganado di 1 miyon florin cu Mini Mega a reclama su premio

    ORANJESTAD - Diamars 11 di december, Marlyn G. a bishita oficina principal di Lotto pa reclama e premio miyonario di Mini Mega. Marlyn ainda no por a kere cu e a gana e 1 miyon florin y a conta con e la combina e numbernan cu dianan di ser keri nan cumpleaños y e numbernan ey a bin resulta e number ganado di Mini Mega.  

  • Cinco bapor crucero a trece entre 8 pa 10 mil persona Aruba awe

    Cinco bapor crucero a trece entre 8 pa 10 mil persona Aruba awe

    ORANJESTAD – Entre 8 pa 10 mil persona extra tabata di bishita Aruba pa por lo menos un dia diaranson. Ta trata di tanto tripulante como pasahero turista cu a bin Aruba riba un di e 5 bapornan crucero cu a bishita nos isla awe. Na tur, si e bapornan tabata completamente yen, tanto na tripulante y pasahero segun capacidad di e bapornan, lo mester tabatin 10.500 persona. Pero ta calcula cu e cantidad tabata entre 8 pa 10 mil hunto. No ta prome biaha cu un cantidad asina grandi di persona ta yega Aruba cu bapor crucero, ni prome biaha cu Aruba ta ricibi bishita di tanto bapor crucero riba un solo dia. 

  • Mini Mega a conoce un feliz ganador di un miyon florin diamars!

    Mini Mega a conoce un feliz ganador di un miyon florin diamars!

    ORANJESTAD – Aruba tin un miyonario nobo desde diamars anochi. Lotto a confirma noticia di NoticiaCla diamarsa anochi informando cu Mini Mega a conoce un feliz ganado cu a gana 1 miyon florin cu Mini Mega. Ticket ganado a wordo bendi na Ritmo Lottery y e Mega Plus di 450 mil a keda aden. Lotto di Dia su jackpot ta sigui crece y awe a bira 56 mil florin y cu 1 florin mas, bo ta gana premio cash instantaneo cu #Facilito.  E jackpot di mas grandi awe nochi ta Lotto 5, cu tin 140 mil florin. Lotto 5 ta costa 4 florin y bo 5 numbernan for di 01 te cu 35. Diabierna awo ta bo chens pa gana 250 mil florin cu Mini Mega y cu 2 florin mas bo por gana e 450 mil florin extra cu ta pone e jackpot bira 700 mil florin cu Mega Plus pa diabierna awo!

  • Prijs di gasoline y diesel ta baha hopi diaranson awor

    Prijs di gasoline y diesel ta baha hopi diaranson awor

    ORANJESTAD - Basa riba e posting promedio di Platts US Market scan (Gulf Coast) pa e periodo di 1 te cu 30 di november 2018, Minister di Finansas, Asuntonan Economico y Cultura ta anuncia e prijsnan di benta di combustibel nobo.

  • Lotto su premio miyonario awe nochi ta AWG 1.425.000,=

    Lotto su premio miyonario awe nochi ta AWG 1.425.000,=

    (ADVERTORIAL) 

  • ATA ta reparti 125 mil florin entre SMAC y MUSICA pa Carnaval 65

    ATA ta reparti 125 mil florin entre SMAC y MUSICA pa Carnaval 65

    ORANJESTAD – Aruba Tourism Authority (ATA) ta reparti e suma di 125 mil florin entre e fundacion official di carnaval SMAC y fundacion di musico esta MUSICA como contribucion pa Carnaval 65 otro aña. E sumanan reparti ta 100 mil florin pa SMAC y 25 mil florin pa MUSICA. Durante e firmamento di acuerdo pa e fondonan aki dialuna mainta, ATA a mustra nan satisfaccion cu e trabou cu ambos fundacion a haci ultimo tempo segun e CEO Ronella TjinAsjoe. Y como tal a compromete nan mes un biaha mas pa e siguiente temporada di carnaval. E ta un contribucion cu ATA ta hacienda ya for di 2016. 

  • Powered by SETAR