Aruba no ta cla pa firma protocol nobo cu RST ainda

KRALENDIJK – E acuerdo pa un Recherche Samenwerkings Team (RST) nobo, esta e RST 2.0, no ta conta cu sosten di Aruba. Por lo menos no ainda. Asina a keda participa na e final di e reunion hudicial entre 4 minister di husticia di Reino na Bonaire. Asina mes minister di husticia di Hulanda Grapperhaus ta considera e acuerdo entre e otro paisnan di Reino Hulandes, como un logro.”Esaki ta di crucial importancia pa combati crimen organiza”.

PROTOCOL NOBO

E acuerdo nobo aki mester wordo firma na Aruba na januari 2019 durante e proximo reunion hudicial, conoci como e JVO (Judicieel Vierlanden Overleg). E protocol actual ta vence fin di 2018.

ARUBA KIER MAS TEMPO

Aruba no ta cla ainda pa ‘join’ pasobra a pidi ‘mas tempo’. Grapperhaus no ta kere cu Aruba su ‘ausencia’ lo perhudica e acuerdo nobo aki. “E ta un logro toch, pasobra tur 4 pais ta di acuerdo cu mester bin un protocol nobo. E puntonan di salida a keda sosteni pa Corsou, Hulanda y St Maarten. Aruba mester mas tempo pa wak con esaki lo funciona den practica. Nos ta bay logra si” e minister a sigui bisa.

TBO

Como consecuencia, e team TBO (Team Bestrijding Ondermijning cu ta combati entre otro labamento di placa y fraude, lo no conta cu participacion di RST, segun Bikker. TBO a lanta na 2016 y ta cay bou di RST. E ta cay bou di mando di PG di Corsou, St Maarten y islanan BES pero no Aruba. Bikker no ta duda di e futuro di RST pa Aruba. “Nos lo haya otro sigur. Pero awor nos mester di mas tempo pa studia con nos por yega na otro di un forma mas comfortable:”.

PROTOCOL

Segun minister di husticia di Hulanda, e protocol no ta dirigi pa no solamente cera e criminalnan tras di trali, sino tambe pa kita tur cos di nan cu nan a logra aglomera pa medio di nan actonan criminal.

For di Caribisch Netwerk. Autor y foto di Gijs van der Heuvel