Baranca grandi na Shiribana no ta protegi pa ley

ORANJESTAD – Un baranca grandi ubica na Shiribanda/Paradera cu tabata wordo ‘destrui’, no ta protegi pa ley. Asina ministerio di entre otro Medio Ambiente a informa diaranson riba Facebook. Asina e ta contesta e consternacion cu a surgi riba e mesun red, ora cu a mira hendenan ta purba kibra e baranca aki como parti di e construccion di un restaurant nobo na e sitio. E intencion di e trahadornan tabata pa deshaci di e baranca grandi aki. Ciudadanonan cu a pasa mira esaki, a cuminsa critica esaki mesora.

E SITUACION REAL

Segun e ministerio, a sigura cu ‘den e caso aki ta trata di un Baranca grandi cu no ta protegi pa ley y cu ta ubica riba tereno di un compania (no chines). E tereno aki a wordo otorga na 2016. Departamentonan concerni lo acerca e propietario pa pidi nan cooperacion pa por purba scapa e baranca aki y traha rond di esaki si ta posibel’ e mensahe a finaliza bisando. Portret cortesia Pagina di Facebook di ministerio medio ambiente.